തിരുവനന്തപുരം: സ്കൂൾ സമയമാറ്റത്തിൽ സർക്കാർതീരുമാനവുമായി മുന്നോട്ടു പോകുമെന്ന് മന്ത്രി വി. ശിവൻകുട്ടി പറഞ്ഞു. സ്കൂൾ മാനേദ്മെന്റുകളുമായി നടത്തിയ ചർച്ചയ്ക്ക് പിന്നാലെവാർത്താസമ്മേളനത്തിലായിരുന്നു മന്ത്രി ഇക്കാര്യം അറിയിച്ചത്. ഭൂരിഭാഗം സംഘടനകളും സർക്കാർ തീരുമാനത്തെ സ്വാഗതം ചെയ്തതായി മന്ത്രി അറിയിച്ചു
ഏത് സാഹചര്യത്തിലാണ് സർക്കാർ തീരുമാനമെടുത്തതെന്ന് യോഗത്തിൽ അറിയിച്ചുവെന്ന് മന്ത്രി പറഞ്ഞു. ഭൂരിപക്ഷംപേരും സർക്കാർ നിലപാടിനെ സ്വാഗതം ചെയ്തു. 2025 മെയ് 31ലെ സർക്കാർ ഉത്തരവ് അനുസരിച്ച് 1 മുതൽ 4 വരെ ക്ലാസുകളിൽ 198 പ്രവൃത്തിദിനങ്ങളും, 5 മുതൽ 7 ക്ലാസുകളിൽ 200 പ്രവൃത്തിദിനങ്ങളും, 8 മുതൽ 10 ക്ലാസുകളിൽ 204 പ്രവൃത്തിദിനങ്ങളും ഉണ്ടാകണമെന്നാണ് ഉത്തരവ്. ഹൈക്കോടതിയുടെ കര്ശന ഉത്തരവിനെ തുടര്ന്നാണ് തീരുമാനമെടുത്തത്.
ചർച്ച നടത്തുകയെന്നത് ജനാധിപത്യസമീപനമാണ്. ഈ വർഷം ഇപ്പോൾ എടുത്ത തീരുമാനവുമായി സർക്കാർ മുന്നോട്ടുപോകും. പരാതികളുണ്ടെങ്കിൽ അടുത്ത അധ്യയനവർഷം പരിശോധിക്കാമെന്നും മന്ത്രി അറിയിച്ചു.
SUMMARY: Minister V Sivankutty says school timings will continue to change, will move forward with decision
