ജമ്മുകശ്മീർ: സിആർപിഎഫ് ജവാൻമാർ സഞ്ചരിച്ചിരുന്ന വാഹനം മറിഞ്ഞു. മൂന്ന് സൈനികർക്ക് വീരമൃത്യു. 15 പേർക്ക് പരുക്ക്. പരുക്കേറ്റവരെ ആശുപത്രിയില് പ്രവേശിപ്പിച്ചു. ജമ്മു കശ്മീരിലെ ഉദംപൂരിലാണ് സംഭവം. ബസന്ത് ഗഢില് നിന്നുള്ള ഒരു ഓപ്പറേഷനില് പങ്കെടുത്ത് ജീവനക്കാർ മടങ്ങുന്നതിനിടെ വ്യാഴാഴ്ച രാവിലെ 10:30 ഓടെയാണ് അപകടം നടന്നത്.
സേനയുടെ 187-ാം ബറ്റാലിയനില് പെട്ട വാഹനത്തില് 23 പേരുണ്ടായിരുന്നു. ബസ്സ് കൊക്കയിലേക്ക് മറയുകയായിരുന്നു. കാണ്ട്വ-ബസന്ത്ഗഢ് മേഖലയിലാണ് അപകടം നടന്നതെന്നും രക്ഷാപ്രവർത്തനങ്ങള് പുരോഗമിക്കുകയാണെന്നും കേന്ദ്രമന്ത്രി ജിതേന്ദ്ര സിംഗ് പറഞ്ഞു. “ഞാൻ ഇപ്പോള് ഡിസി സലോണി റായിയുമായി സംസാരിച്ചു, അദ്ദേഹം സ്ഥിതിഗതികള് വ്യക്തിപരമായി നിരീക്ഷിക്കുകയും സ്ഥിരീകരണം അപ്പോള് തന്നെ അറിയിക്കുകയും ചെയ്യുന്നുണ്ട്. നാട്ടുകാർ സഹായത്തിനായി മുന്നോട്ട് വന്നിട്ടുണ്ടെന്നും കേന്ദ്രമന്ത്രി എക്സില് കുറിച്ചു.
പരുക്കേറ്റവരെ ആശുപത്രിയില് പ്രവേശിപ്പിച്ചതായി ഉദംപൂർ അഡീഷണല് എസ്പി സന്ദീപ് ഭട്ട് പറഞ്ഞു. അപകടത്തില് അനുശോചനം രേഖപ്പെടുത്തിയ ജമ്മു കശ്മീർ ലഫ്റ്റനന്റ് ഗവർണർ മനോജ് സിൻഹ, സാധ്യമായ എല്ലാ സഹായങ്ങളും ഉറപ്പാക്കാൻ ഉദ്യോഗസ്ഥർക്ക് നിർദ്ദേശം നല്കിയിട്ടുണ്ടെന്ന് പറഞ്ഞു.
SUMMARY: CRPF vehicle falls into gorge in Kashmir; three soldiers martyred
WhatsApp
Telegram
