യൂട്യൂബര്‍ക്കെതിരെ ബലാത്സംഗ പരാതിയുമായി ബിജെപി വനിതാ നേതാവ്; പ്രതി സുബൈര്‍ ബാപ്പു അറസ്റ്റില്‍

മലപ്പുറം: യൂട്യൂബര്‍ സുബൈർ ബാപ്പുവിനെ പോലീസ് അറസ്റ്റ് ചെയ്തു. ബലാത്സംഗം ചെയ്യാന്‍ ശ്രമിച്ചെന്ന ബിജെപി വനിതാ നേതാവിന്‍റെ പരാതിയിലാണ് പോലീസ് സുബൈറിനെ അറസ്റ്റ് ചെയ്തത്. ഈ മാസം പത്തിന് വൈകുന്നേരം വീട്ടിലെത്തി ബലാത്സംഗം ചെയ്യാൻ ശ്രമിച്ചെന്നാണ് പരാതിയില്‍ പറയുന്നത്.

പിന്നീട് നിരന്തരം ഫോണില്‍ വിളിച്ച്‌ ഇക്കാര്യം പറഞ്ഞു ശല്യം ചെയ്തതായും സമൂഹ മാധ്യമങ്ങളിലൂടെ അപമാനിച്ചെന്നും പരാതിയില്‍ യുവതി ചൂണ്ടിക്കാട്ടി. പ്രതി സുബൈർ ബാപ്പു മുമ്പ് ബിജെപി പ്രവർത്തകനായിരുന്നുവെന്നും സ്വഭാവദൂഷ്യത്തെ തുടർന്ന് പുറത്താക്കിയതാണെന്നും പരാതിക്കാരി ആരോപിച്ചു.

SUMMARY: BJP woman leader files rape complaint against YouTuber; Accused Subair Bapu arrested