കൊച്ചി: സ്ത്രീത്വത്തെ അപമാനിച്ചെന്ന കേസില് സംവിധായകന് സനല്കുമാര് ശശിധരന് ജാമ്യം. എറണാകുളം മജിസ്ട്രേറ്റ് കോടതിയാണ് ജാമ്യം അനുവദിച്ചത്. നടിയെ അപമാനിച്ചെന്ന പരാതിയിലാണ് സനല് കുമാറിനെ പോലീസ് അറസ്റ്റ് ചെയ്തത്. വിശദമായ ചോദ്യം ചെയ്യലിനു ശേഷമാണ് സംവിധായകനെ കോടതിയില് ഹാജരാക്കിയത്.
സനല്കുമാര് ശശിധരന്റെ മൊബൈല് ഫോണ് എളമക്കര പോലീസ് കസ്റ്റഡിയിലെടുത്തു. അമേരിക്കയില് നിന്നും മടങ്ങി വരും വഴി മുംബൈ വിമാനത്താവളത്തില് എമിഗ്രേഷന് വിഭാഗം തടഞ്ഞുവെച്ച സനല്കുമാറിനെ ഇന്നലെ രാത്രിയാണ് എളമക്കര എസ് എച്ച് ഒ യുടെ നേതൃത്വത്തിലുള്ള സംഘം കൊച്ചിയില് എത്തിച്ചത്.
സ്വന്തം ജാമ്യത്തിലാണ് സനല്കുമാര് ശശിധരനെ വിട്ടത്. ഇന്നലെ രാത്രി വൈകിയാണ് മജിസ്ട്രേറ്റിന്റെ വീട്ടില് സനല്കുമാറിനെ എത്തിച്ചത്. തുടര്നടപടികളുടെ ഭാഗമായി ഇന്ന് രാവിലെ സനല്കുമാര് ശശിധരൻ കോടതിയില് നേരിട്ട് ഹാജരായി. ആലുവ സിജെഎം കോടതിയിലാണ് ഹാജരായത്.
താനും നടിയും തമ്മില് പ്രണയത്തിലാണെന്നും പ്രണയം തകര്ക്കാന് സര്ക്കാരും കമ്മ്യൂണിസ്റ്റ് പാര്ട്ടിയും ശ്രമിക്കുകയാണെന്നുമെല്ലാം എറണാകുളം സൗത്ത് റെയില്വേ സ്റ്റേഷനില് പോലീസ് എത്തിക്കുമ്പോൾ സനല് വിളിച്ചു പറഞ്ഞിരുന്നു. നടിയെ ശല്യം ചെയ്തെന്ന മറ്റൊരു കേസില് സനല്കുമാര് ശശിധരൻ ജാമ്യത്തിലാണ്. ഇതിനിടെയാണ് വീണ്ടും സമാനമായ മറ്റൊരു കേസില് അറസ്റ്റിലായത്.
SUMMARY: Director Sanal Kumar Sasidharan granted bail after actress insult complaint
WhatsApp
Telegram
