തിരുവനന്തപുരം: അക്രമകാരികളായ മൃഗങ്ങളെ കൊല്ലാൻ അനുമതി നല്കുന്ന ബില്ലിന് അംഗീകാരം നല്കി മന്ത്രിസഭ. ബില് അടുത്ത നിയമസഭാ സമ്മേളനത്തില് അവതരിപ്പിക്കും. വരുന്ന നിയമസഭാ സമ്മേളനത്തില് ബില് അവതരിപ്പിക്കും. അക്രമകാരികളായ മൃഗങ്ങളെ വെടിവെച്ച് കൊല്ലാമെന്നാണ് ബില്ലില് പറയുന്നത്.
അതേസമയം വനം വകുപ്പുമായി ബന്ധപ്പെട്ട മറ്റൊരു ബില്ലിനും മന്ത്രിസഭ അംഗീകാരം നല്കി. സ്വകാര്യഭൂമിയിലെ ചന്ദനം വനം വകുപ്പ് വഴി മുറിച്ചുമാറ്റുന്നതുമായി ബന്ധപ്പെട്ട ബില്ലിനാണ് മന്ത്രിസഭായോഗം അംഗീകാരം നല്കിയത്. ജനവാസകേന്ദ്രങ്ങളില് ഇറങ്ങുന്ന അക്രമകാരികളായ മൃഗങ്ങളെ പ്രത്യേക സാഹചര്യത്തില് വെടിവച്ചുകൊല്ലാൻ വരെ അനുമതി നല്കുന്ന തരത്തിലാണ് ബില് തയാറാക്കിയിരിക്കുന്നത്.
ചീഫ് വൈല്ഡ് ലൈഫ് വാർഡന് അക്രമകാരികളായ മൃഗങ്ങളെ കൊല്ലാൻ ഉത്തരവിടാൻ കഴിയും. കഴിഞ്ഞ ഫെബ്രുവരി വരെയുള്ള കണക്കുകള് അനുസരിച്ച്, കാട്ടാനയാക്രണത്തില് മാത്രം കഴിഞ്ഞ എട്ട് വർഷത്തിനുള്ളില് 180 ജീവനകളാണ് സംസ്ഥാനത്ത് പൊലിഞ്ഞത്. വന്യജീവി ആക്രമണങ്ങളില് നിയമം നടപ്പാക്കുന്നതില് പ്രയോഗിക പ്രശ്നം ഉണ്ടെങ്കിലും മലയോര ജനതയെ ഒപ്പം നിർത്തുകയാണ സർക്കാർ ബില്ലിലൂടെ ലക്ഷ്യമിടുന്നത്.
SUMMARY: Cabinet meeting approves bill allowing killing of violent animals
