ബെംഗളൂരു: നിയന്ത്രണം വിട്ട ബൈക്ക് മരത്തിലിടിച്ച് യുവാവ് മരിച്ചു. വടക്കൻ ബെംഗളൂരുവിലെ ദൊംബറഹള്ളിക്ക് സമീപം ബുധനാഴ്ച അര്ദ്ധരാത്രിയോടെയാണ് അപകടം നടന്നത്. ബെംഗളൂരു സ്വദേശിയും ആർഎംസി യാർഡിൽ ഡ്രൈവറുമായ ശ്യാം (22) ആണ് മരിച്ചത്.
ശിവാജിനഗറിൽ സുഹൃത്തുക്കൾക്കൊപ്പം ക്രിസ്മസ് ആഘോഷിച്ച് ബൈക്കിൽ ഗണപതി ലേഔട്ടിലേക്ക് പോകുമ്പോഴാണ് അപകടം. ദൊംബറഹള്ളി സർക്കിളിൽ നിന്ന് ബൈക്ക് റോഡിലേക്ക് കടക്കുമ്പോൾ നിയന്ത്രണം നഷ്ടപ്പെട്ട് റോഡിന്റെ ഇടതുവശത്തുള്ള മരത്തിൽ ഇടിക്കുകയായിരുന്നു. ഗുരുതരമായി പരുക്കേറ്റ ശ്യാം സംഭവസ്ഥലത്ത് വെച്ചു തന്നെ മരിച്ചു.
പിറ്റേന്ന് രാവിലെ ഇത് വഴി എത്തിയ വഴിയാത്രക്കാരാണ് ശ്യാം വീണുകിടക്കുന്നതു കണ്ടത്. തുടര്ന്ന് പോലീസില് അറിയിക്കുകയായിരുന്നു. സംഭവത്തില് മദനായകനഹള്ളി പോലീസ് കേസെടുത്തു അന്വേഷണം ആരംഭിച്ചു.
SUMMARY: Young man dies after losing control of bike and hitting tree
WhatsApp
Telegram
