ബെംഗളൂരു: ഒരു മാസത്തിലേറെ നീണ്ടുനിന്ന കേരളസമാജം ദൂരവാണിനഗറിന്റെ ഓണാഘോഷപരിപാടികൾക്ക് സമാപനം. പൊതുസമ്മേളനത്തില് ബി.എ. ബസവരാജ് എംഎൽഎ, കന്നഡ ചലച്ചിത്രതാരവും അധ്യാപികയുമായ പ്രൊഫ. ലക്ഷ്മി ചന്ദ്രശേഖർ, കഥാകൃത്ത് ജി.ആർ. ഇന്ദുഗോപൻ, കവി വീരാൻകുട്ടി എന്നിവർ മുഖ്യാതിഥികളായി.
പ്രസിഡന്റ് മുരളീധരൻനായർ, ജനറൽ സെക്രട്ടറി ഡെന്നിസ് പോൾ, എജുക്കേഷണൽ സെക്രട്ടറി ചന്ദ്രശേഖരക്കുറുപ്പ് എന്നിവരും സംസാരിച്ചു. സോണൽ സെക്രട്ടറിമാരായ എ.യു. രാജു, ബാലകൃഷ്ണപ്പിള്ള, എസ്. വിശ്വനാഥൻ, പുരുഷോത്തമൻനായർ, ആർ. അങ്കിത, വി.വി. ആർദ്രാരാജ്, രേഖാ പി. മേനോൻ, സി. കുഞ്ഞപ്പൻ, ജോയിന്റ് സെക്രട്ടറി പി.സി. ജോണി, ഓണാഘോഷപരിപാടിയുടെ കൺവീനർ ബിനോ ശിവദാസ്, ചെയർമാൻ പി. ഗോപാലകൃഷ്ണൻ, സോണൽ സെക്രട്ടറിമാരായ സുഖിലാൽ, ഇ. പ്രസാദ്, രാധാകൃഷ്ണൻ ഉണ്ണിത്താൻ,
പവിത്രൻ കെ. കെ, സാഹിത്യവിഭാഗം ചെയർമാൻ കെ. ചന്ദ്രശേഖരൻനായർ, ട്രഷറർ എം.കെ. ചന്ദ്രൻ, വനിതാ വിഭാഗം ചെയർപേഴ്സൺ ഗ്രേസി പീറ്റർ, യുവജനവിഭാഗം ചെയർമാൻ അബ്ദുൽ അഹദ്, കൺവീനർ ഷമീമ, ബിജു സുധാകർ, വൈസ് പ്രസിഡന്റ് എം.പി. വിജയൻ എന്നിവർ സംബന്ധിച്ചു.
ജൂബിലി കോളേജ് വിദ്യാർഥിനികളുടെ മെഗാ തിരുവാതിരക്കളി, നൃത്ത, സംഗീത, കലാമത്സരങ്ങളിൽ ഒന്നാം സമ്മാനംനേടിയവരുടെ പ്രകടനം, വിദ്യാർഥികളും അധ്യാപികമാരും ഓഫീസ് ജീവനക്കാരും, യുവജന-വനിതാ വിഭാഗങ്ങളും അവതരിപ്പിച്ച വിവിധകലാപരിപാടികൾ എന്നിവ ഓണാഘോഷത്തിന് മിഴിവേകി. ഓണസദ്യയുമുണ്ടായിരുന്നു.
പരീക്ഷകളിൽ ഉന്നത വിജയം നേടിയ, സ്കൂൾ, കോളേജ്
വിദ്യാർഥികൾക്ക് ക്യാഷ് അവാർഡും മെറിറ്റ് അവാർഡുകളും സമ്മാനിച്ചു. മുൻ ഭാരവാഹികളും, സോണൽ സെക്രട്ടറിമാരും മത്സര
വിജയികൾക്ക് സമ്മാനദാനം നിർവഹിച്ചു. പ്രശസ്ത പിന്നണി ഗായിക രഞ്ജിനി ജോസ്, സ്റ്റാർ സിംഗർ താരം ബൽറാം, റിതുരാജ്, ബാസിൽ, ദേവപ്രിയ വയലിൻ ആർട്ടിസ്റ്റ് വിഷ്ണു എന്നിവരുടെ നേതൃത്വത്തില് അവതരിപ്പിച്ച മെഗാ ഗാനമേളയോടെ 2025 ലെ ഓണാഘോഷ പരിപാടികൾക്ക് തിരശ്ശീല വീണു.
SUMMARY: Kerala Samajam Dooravani Nagar Onam celebrations conclude
