കണ്ണൂർ: കണ്ണൂരില് മൂന്നു മാസം പ്രായമായ കുഞ്ഞ് കിണറ്റില് മരിച്ചനിലയില്. കുറുമാത്തൂർ പൊക്കുണ്ടില് ജാബിർ – മുബഷിറ ദമ്പതികളുടെ മകൻ ഹാഷിമാണ് മരിച്ചത്. കുഞ്ഞ് കിണറ്റില് വീണത് എങ്ങനെ എന്നതില് അവ്യക്തതയുണ്ട്. രാവിലെ 9.40 നാണ് സംഭവം നടന്നത്.
കുട്ടി അബദ്ധത്തില് കിണറ്റില് വീണതാണെന്ന് മാതാവിൻ്റെ മൊഴി. കുളിപ്പിച്ചതിന് ശേഷം കുളിമുറിയിലെ കല്ലിന് മുകളില് കിടത്തിയെന്നും കുഞ്ഞ് താഴേക്ക് വീണെന്നുമാണ് മാതാവിന്റെ മൊഴി. മാതാവ് അറിയിച്ചതിന് പിന്നാലെ സമീപവാസികള് കുഞ്ഞിനെ പുറത്തെടുക്കുകയായിരുന്നു. ഉടൻ തന്നെ തളിപ്പറമ്പ് സഹകരണ ആശുപത്രിയിലെത്തിച്ചു.
അവിടെ നിന്ന് പരിയാരം മെഡിക്കല് കോളജിലേക്ക് കൊണ്ടുപോകുന്നതിനിടെ കുഞ്ഞ് മരിക്കുകയായിരുന്നു. മാതാവിന്റെ മൊഴി പോലീസ് രേഖപ്പെടുത്തിയിട്ടുണ്ട്. സംഭവത്തില് പോലീസ് അന്വേഷണം ആരംഭിച്ചു.
SUMMARY: Two-month-old baby found dead in well in Kannur
