കോഴിക്കോട്: കോഴിക്കോട് താമരശേരിയിൽ വൻ തീപിടിത്തം. എലോക്കരയിൽ പ്ലാസ്റ്റിക് മാലിന്യ സംസ്കരണ ഫാക്ടറിയിലാണ് തീപിടിത്തമുണ്ടായത്. പ്ലാന്റും കെട്ടിടവും കത്തിനശിച്ചു. പുലർച്ചെ മൂന്നരയോടെയാണ് തീപിടിത്തമുണ്ടായത്.
എലോക്കരയിലുള്ള എംആർഎം ഇക്കോ സൊല്യൂഷൻസ് എന്ന സ്ഥാപനത്തിലാണ് അപകടം. മൂന്ന് നില കെട്ടിടം പൂർണമായും കത്തി നശിച്ചു. തീ ഇതുവരെ നിയന്ത്രണവിധേയമായിട്ടില്ല. ആറ് ഫയർഫോഴ്‌സ് യൂണിറ്റുകൾ സ്ഥലത്തെത്തി തീ അണയ്ക്കാനുള്ള ശ്രമങ്ങൾ തുടരുകയാണ്.
പ്രദേശത്ത് വ്യാപകമായി പുക ഉയർന്നിട്ടുണ്ട്. അപകടത്തിൽ സമീപത്തുണ്ടായിരുന്ന പിക്ക് അപ്പ് വാഹനം കത്തിയതായാണ് വിവരം. അതേസമയം തീപിടിത്തത്തിന്റെ കാരണം വ്യക്തമല്ല. തീപിടിത്ത സമയത്ത് ഫാക്ടറിയിൽ ജീവനക്കാർ ഉണ്ടാകാത്തത് വൻ ദുരന്തം ഒഴിവാക്കി. പല സ്ഥലങ്ങളിൽ നിന്നായി മാലിന്യങ്ങളെത്തിച്ച് സംസ്‌കരിക്കുന്ന ഫാക്ടറിയിലാണ് തീപിടിത്തമുണ്ടായത്. ഫാക്‌ടറിയിലെ മാലിന്യക്കൂമ്പാരത്തിന് തീപിടിച്ചതാണ് അപകടത്തിന് കാരണമായതെന്നാണ് നിഗമനം.
SUMMARY: Massive fire breaks out at plastic waste processing factory in Thamarassery; plant and building completely gutted
