വീടിനു മുന്നിൽ കളിച്ചുകൊണ്ടിരുന്ന ഒന്നര വയസ്സുകാരി തെരുവുനായ്ക്കളുടെ ആക്രമണത്തിൽ കൊല്ലപ്പെട്ടു

ബെംഗളൂരു: വീടിനു മുന്നിൽ കളിച്ചുകൊണ്ടിരുന്ന ഒന്നര വയസ്സുകാരി തെരുവുനായ്ക്കളുടെ ആക്രമണത്തിൽ കൊല്ലപ്പെട്ടു. വടക്കൻ കർണാടക റായ്ച്ചൂരിലെ സിന്ധനൂർ താലൂക്കിലാണു സംഭവം.

അനം അബ്ദുൾ റസാക്ക് എന്ന കുഞ്ഞാണ് മരിച്ചത്. കുട്ടിയുടെ കരച്ചിൽ കേട്ടു വീട്ടുകാർ ഓടിയെത്തിയപ്പോഴേക്കും 7 ഓളം തെരുവ് നായ്ക്കളുടെ കൂട്ടം കുട്ടിയെ കടിച്ചുവലിച്ചു കൊണ്ടുപോയിരുന്നു. ഗുരുതരമായി പരുക്കേറ്റ കുട്ടി ആശുപത്രിയിലേക്കു കൊണ്ടുപോകുന്നതിനിടെ മരിച്ചു. തെരുവുനായ ശല്യം പരിഹരിക്കാൻ നടപടി വേണമെന്നാവശ്യപ്പെട്ടു പ്രദേശവാസികൾ പ്രതിഷേധിച്ചു. സംഭവത്തില്‍ പോലീസ് കേസെടുത്തു.
SUMMARY: A one-and-a-half-year-old girl was killed by stray dogs while playing in front of her house.