തിരുവനന്തപുരം: ഐഎഎസ് ഉദ്യോഗസ്ഥരുടെ തലപ്പത്ത് വൻ അഴിച്ചുപണിയുമായി സർക്കാർ. എൻ. പ്രശാന്ത് ഐഎഎസിനെ യുവജന-കായിക വകുപ്പുകളുടെ സ്പെഷ്യൽ സെക്രട്ടറിയായി നിയമിച്ചതാണ് ഇതിൽ പ്രധാനം. യുവജന-കായിക വകുപ്പുകൾക്ക് പുറമെ ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷൻ (Industrial Infrastructure Development Corporation), ജലവിഭവ വകുപ്പ് സ്പെഷ്യൽ സെക്രട്ടറി (Water Resource Department Special Secretary) എന്നീ അധിക ചുമതലകളും എൻ. പ്രശാന്തിന് നൽകി.
ശ്രീറാം വെങ്കിട്ടരാമനെ കൃഷിവകുപ്പ് ഡയറക്ടർ സ്ഥാനത്തുനിന്നും മാറ്റി അദ്ദേഹത്തെ കേരള സ്റ്റേറ്റ് സ്കിൽസ് എക്സലൻസ് അക്കാഡമി (KASE) എം.ഡി ആയി നിയമിച്ചു.
എസ്. സുഹാസ് കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപറേഷന്റെ സ്പെഷ്യൽ സെക്രട്ടറിയാകും. നിലവിൽ അദ്ദേഹം വാട്ടർ റിസോഴ്സ് ഡിപ്പാർട്ടുമെന്റ് സെക്രട്ടറിയായിരുന്നു. സഹകരണ സൊസൈറ്റി രജിസ്ട്രാറായിരുന്ന പ്രേംകൃഷ്ണൻ ഐഎഎസ് ആയിരിക്കും പുതിയ വാട്ടർ അതോറിറ്റി എംഡി.
വിവിധ അതോറിറ്റികളുടെ എം.ഡിമാർ, സ്പെഷ്യൽ അക്കാദമികൾ തുടങ്ങിയ വിഭാഗങ്ങളിലും വരും ദിവസങ്ങളിൽ കൂടുതൽ മാറ്റങ്ങളുണ്ടാകുമെന്നാണ് റിപ്പോർട്ടുകൾ.
SUMMARY: Major reshuffle in IAS ranks: Prashanth becomes special secretary of youth and sports departments, Sriram Venkitaraman also changes
