ന്യൂഡൽഹി: പുതിയ ആധാർ ആപ്പിന്റെ പൂർണതോതിലുള്ള പതിപ്പ് പൊതുജനങ്ങൾക്ക് ലഭ്യമാക്കി. ആധാറുമായി ബന്ധിപ്പിച്ചിട്ടുള്ള മൊബൈൽ നമ്പറുകൾ എപ്പോൾ വേണമെങ്കിലും എവിടെ വെച്ചും ലളിതമായി പുതുക്കാനുള്ള പുതിയ സംവിധാനമാന് യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) ഔദ്യോഗിക മൊബൈൽ ആപ്പിലൂടെ ഇപ്പോള് അവതരിപ്പിച്ചിരിക്കുന്നത്. ഗൂഗ്ൾ പ്ലേ സ്റ്റോർ, ആപ്പിൾ ആപ്പ് സ്റ്റോർ എന്നിവ വഴിയാണ് ആധാർ അപ്ലിക്കേഷൻ ഡൗൺലോഡ് ചെയ്യേണ്ടത്.
നിലവിലുണ്ടായിരുന്ന ‘എം-ആധാർ’ ആപ്പിനെ പിൻവലിച്ചുകൊണ്ടാണ് കൂടുതൽ സുരക്ഷാ ഫീച്ചറുകളോടെയുള്ള ഈ പുതിയ പതിപ്പ് എത്തിയിരിക്കുന്നത്. ഫോണിന്റെ ക്യാമറ ഉപയോഗിച്ച് മുഖം സ്കാൻ ചെയ്യുന്ന ‘ഫെയ്സ് ഒതന്റിക്കേഷൻ’ വഴി നിമിഷങ്ങൾക്കുള്ളിൽ നിങ്ങളുടെ വ്യക്തിത്വം ഉറപ്പാക്കാൻ ഇതിലൂടെ സാധിക്കും.
ഹോട്ടലുകളിലും മറ്റും മുറിയെടുക്കുമ്പോൾ അവിടെ നൽകുന്ന ക്യുആർ കോഡ് സ്കാൻ ചെയ്താൽ മാത്രം മതിയാകും. ഇങ്ങനെ സ്കാൻ ചെയ്യുമ്പോൾ നിങ്ങളുടെ ഏതെല്ലാം വിവരങ്ങൾ മറ്റുള്ളവർക്ക് കൈമാറണം എന്ന് നിങ്ങൾക്ക് സ്വയം തീരുമാനിക്കാമെന്നതാണ് ഇതിലെ വലിയ സുരക്ഷാ സവിശേഷത. നിങ്ങൾ അപ്രൂവ് ചെയ്താൽ മാത്രമേ വിവരങ്ങൾ കൈമാറൂ. ഒരു ഫോണിൽ തന്നെ കുടുംബത്തിലെ അഞ്ചുപേരുടെ വരെ ആധാർ വിവരങ്ങൾ ഉൾപ്പെടുത്താൻ കഴിയുമെന്നത് സാധാരണക്കാർക്ക് ഏറെ പ്രയോജനകരമാണ്.
SUMMARY: Aadhaar app launched, now you can update your mobile number and address via phone
