ഛത്തീസ്ഗഢില്‍ വീണ്ടും ഏറ്റുമുട്ടല്‍; വനിത മാവോയിസ്റ്റിനെ വധിച്ച്‌ സുരക്ഷസേന

റായ്പൂർ: ഏറ്റുമുട്ടലില്‍ വനിത മാവോസ്റ്റിനെ വധിച്ച്‌ സുരക്ഷ സേന. തലയ്‌ക്ക് 25 ലക്ഷം രൂപ വിലയിട്ട മാവോസ്റ്റിനെയാണ് സുരക്ഷാ ഉദ്യോഗസ്ഥർ വധിച്ചത്. ദന്തേവാഡയിലായിരുന്നു ഏറ്റുമുട്ടല്‍. സ്ഥലത്ത് നിന്ന് വൻ ആയുധശേഖരവും കണ്ടെത്തിയിട്ടുണ്ട്. റൈഫിള്‍, വെടിയുണ്ടകള്‍, മറ്റ് അവശ്യവസ്തുക്കള്‍ എന്നിവയും കണ്ടെടുത്തു.

ദന്തേവാഡ ജില്ലയിലെ ഗീദം പോലീസ് സ്റ്റേഷന് സമീപത്തെ അതിർത്തി പ്രദേശങ്ങളായ നെല്‍ഗോഡ, അകേലി, ബെല്‍നാർ എന്നിവിടങ്ങളിലാണ് പരിശോധന നടന്നത്. വാറങ്കലില്‍ താമസിച്ച്‌ മാവോയിസ്റ്റ് പ്രവർത്തനങ്ങള്‍ നടത്തിവന്നിരുന്ന രേണുക എന്ന ബാനുവാണ് കൊല്ലപ്പെട്ടത്. രാവിലെയാണ് ഏറ്റുമുട്ടല്‍ ആരംഭിച്ചത്. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.

TAGS : CHHATTISGARH
SUMMARY : Another encounter in Chhattisgarh; Security forces kill female Maoist