ആസിഫ് അലി ചിത്രം ‘ലെവല്‍ ക്രോസ്’ ഒടിടിയിലേക്ക്

ആസിഫ് അലി നായകനായി അമല പോളും ഷറഫുദ്ദീനും പ്രധാന വേഷങ്ങളില്‍ എത്തിയ ചിത്രം ‘ലെവല്‍ ക്രോസ്’ ആമസോണ്‍ പ്രൈം സ്വന്തമാക്കി. റെക്കോർഡ് തുകയ്ക്കാണ് ചിത്രം ആമസോണ്‍ ഏറ്റെടുത്തത്. ഒക്ടോബർ 13 മുതല്‍ ആമസോണ്‍ പ്രൈമിലൂടെ ‘ലെവല്‍ ക്രോസ്’ പ്രേക്ഷകർക്ക് കാണുവാൻ സാധിക്കും.

അഭിഷേക് ഫിലിംസിന്റെ ബാനറില്‍ രമേഷ് പി. പിള്ള നിർമ്മിച്ച്‌ ജിത്തു ജോസഫ് അവതരിപ്പിച്ച ചിത്രം സംവിധാനം ചെയ്തത് ജിത്തു ജോസഫിന്റെ പ്രധാന ശിഷ്യനായ അർഫാസ് അയൂബാണ്. ചിത്രം മികച്ച പ്രതികരണത്തോടെ പ്രശംസയോടെ പ്രേക്ഷകശ്രദ്ധ നേടിയിരുന്നു.

വിശാല്‍ ചന്ദ്രശേഖർ ആണ് ചിത്രത്തിന് സംഗീതം ഒരുക്കിയിരിക്കുന്നത്. സീതാരാമം’, ‘ചിത്ത’, ‘ഉറിയടി’ തുടങ്ങിയ ഹിറ്റ് സിനിമകള്‍ക്ക് സംഗീതം നല്‍കിയ വിശാല്‍ ആദ്യമായി മലയാളത്തില്‍ സംഗീതം നല്‍കിയ സിനിമയാണ് ഇത്. റിലീസായി ഏറെ നാളുകള്‍ക്ക് ശേഷമാണ് ലെവല്‍ ക്രോസ് ഒടിടിയിലേക്ക് എത്തുന്നത്.

TAGS : FILM | OTT
SUMMARY : Asif Ali movie ‘Level Cross’ to OTT