രാജ്യത്ത് ആദ്യം; വാട്സ്ആപ്പ് വഴി പണമടച്ചുള്ള ഇവി ചാർജിങ് സൗകര്യം ബെംഗളൂരുവിൽ

ബെംഗളൂരു: രാജ്യത്ത് ആദ്യമായി വാട്സാപ്പ് വഴി പണമടച്ചുള്ള ഇലക്ട്രിക് വാഹന (ഇവി) ചാർജിങ് സൗകര്യം ബെംഗളൂരുവിൽ ആരംഭിക്കും. ബെസ്കോം ആണ് ഇത്തരമൊരു സൗകര്യം നഗരത്തിൽ ആരംഭിക്കുന്നത്. വാട്ട്‌സ്ആപ്പ് വഴി ഇവി ചാർജിംഗ് സെഷനുകൾ ആരംഭിക്കാനും പണമടയ്ക്കാനുമുള്ള സൗകര്യമാണിത്.

പൾസ് എനർജി നൽകുന്ന എഐ അധിഷ്ഠിത ഇവി ബോട്ട് ആണിത്. പുതിയ സംവിധാനം ഇലക്ട്രിക് വാഹന (ഇവി) ഉപയോക്താക്കൾക്ക് തടസ്സമില്ലാത്ത ചാർജിംഗ് അനുഭവം നൽകുമെന്ന് ബെസ്കോം മാനേജിംഗ് ഡയറക്ടർ മഹന്തേഷ് ബിലാഗി പറഞ്ഞു.

രാജ്യത്ത് ഇത്തരമൊരു സംരംഭം ഇതാദ്യമായാണ്. ഇവി മിത്ര ആപ്പിൻ്റെ പുതിയ ഇൻ്റർഫേസ് കൂടിയാണിത്. ഇതിനകം 15,000ത്തിലധികം പേർ വാട്സാപ്പ് ബോട്ടുകൾ ഡൗൺലോഡ് ചെയ്തിട്ടുണ്ട്. ആൻഡ്രോയിഡ്, ഐഒഎസ് ഉപകരണങ്ങൾക്ക് അനുയോജ്യമായ ആപ്പ്, കന്നഡ ഉൾപ്പെടെ ഒമ്പത് ഭാഷകളിൽ ലഭ്യമാണ്.

TAGS: BENGALURU | BESCOM
SUMMARY: BESCOM’s first in India to enable ev charging via Whatsapp