ബൈക്കപകടത്തില്‍ പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു

ബെംഗളൂരു: ബൈക്കപകടത്തെ തുടർന്ന് ഗുരുതര പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു. തിരുവനന്തപുരം നാലാഞ്ചിറ സ്വദേശി ആന്റണി പെരേരയുടെ മകൻ എൽവിസ് പെരേര (36) ആണ് മരിച്ചത്. ദൊഡ്ഡഗുബ്ബി മെയിൻ റോഡിൽ ഓഗസ്റ്റ് 16-നാണ് അപകടം നടന്നത്. എൽവിസും സുഹൃത്ത് അശ്വിനും സഞ്ചരിച്ചിരുന്ന ബൈക്ക് റോഡിലൂടെ പാഞ്ഞു വന്ന കുതിരയെ തട്ടി മറിയുകയായിരുന്നു. ഇരുവരും റോഡിലേക്ക് വീണു. പിൻസീറ്റിൽ യാത്ര ചെയ്തിരുന്ന എൽവിസിന്റെ തലയ്ക്ക് ഗുരുതരമായി പരുക്കേറ്റു.