ബെംഗളൂരു: നമ്മ മെട്രോ നഗരത്തിന്റെ കൂടുതൽ ഇടങ്ങളിലേക്ക് വ്യാപിപ്പിക്കുന്നതിന്റെ ഭാഗമായി ഡിപ്പോകളിലെ സൗകര്യങ്ങൾ വർധിപ്പിക്കാൻ ബിഎംആർസി. അടുത്ത മാസങ്ങൾക്കുള്ളിൽ 21 ട്രെയിനുകൾ കൂടി പർപ്പിൾ, ഗ്രീൻ ലൈനുകളിലേക്ക് എത്തുന്നത് കൂടി കണക്കിലെടുത്താണിത്.
നിലവിൽ ഗ്രീൻ ലൈനിൽ പീനിയയിലും പർപ്പിൾ ലൈനിൽ കാടുഗോഡി, ബയ്യപ്പനഹള്ളി എന്നിവിടങ്ങളിലാണ് മെട്രോ ഡിപ്പോകളുള്ളത്. ഒപ്പം അടുത്ത മാസം സർവീസ് ആരംഭിക്കുമെന്ന് പ്രതീക്ഷിക്കുന്ന യെലോ ലൈനിലെ ഹെബ്ബഗോഡിയിലും ഡിപ്പോ നിർമിച്ചിട്ടുണ്ട്.
സൗകര്യങ്ങൾ വർധിപ്പിക്കുന്നതിന്റെ ഭാഗമായി പീനിയ ഡിപ്പോയിൽ 1.94 കോടി രൂപയുടെ നവീകരണ പ്രവർത്തനങ്ങൾ നടത്തും. പുതിയ പ്ലാറ്റ്ഫോമുകൾ നിർമിക്കുകയും അറ്റക്കുറ്റപ്പണിക്കായുള്ള സൗകര്യങ്ങൾ വിപുലീകരിക്കുകയും ചെയ്യും. ബയ്യപ്പനഹള്ളി ഡിപ്പോയിൽ 249.19 കോടി രൂപ മുടക്കി പുതുക്കി പണിയുന്നത് അവസാന ഘട്ടത്തിലാണ്. നിർമാണം പൂരോഗമിക്കുന്ന വിമാനത്താവള, ഔട്ടർറിങ് റോഡ് പാതകൾക്കു കൂടി ഉപയോഗിക്കാൻ ലക്ഷ്യമിട്ടാണിത്. അതിനിടെ ഷെട്ടിഗെരെ, കൊത്തന്നൂർ, അഞ്ജനാപുര, ചല്ലഘട്ടെ എന്നിവിടങ്ങളിലും ഡിപ്പോ നിർമിക്കാൻ ബിഎംആർസി തീരുമാനിച്ചിട്ടുണ്ട്.
SUMMARY: BMRCL to upgrade depots to support expanding Metro network in Bengaluru.
WhatsApp
Telegram
