ബെംഗളൂരു: ബെംഗളൂരുവിൽനിന്നും ചിക്കബലാപുരയിലെ ഇഷാ ഫൗണ്ടേഷനിലേക്ക് പുതിയ ടൂർ പാക്കേജ് ആരംഭിച്ച് ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷന് (ബിഎംടിസി (ബിഎംടിസി).ഗതാഗതമന്ത്രി രാമലിംഗ റെഡ്ഡി ബസിന്റെ ഫ്ലാഗ് ഓഫ് നിർവഹിച്ചു. നഗരത്തിലെ പ്രധാന ക്ഷേത്രങ്ങളും ആത്മീയസ്ഥലങ്ങളും ഉൾപ്പെടുത്തിയാണ് ബിഎംടിസിയുടെ പുതിയ ടൂർ പാക്കേജ്. ശനി, ഞായർ ദിവസങ്ങളിലും പൊതു അവധി ദിവസങ്ങളിലുമാണ് പാക്കേജിന് കീഴിൽ സർവീസ് നടത്തുക.
ബെംഗളൂരു കെംപെഗൗഡ ബസ് സ്റ്റേഷനിൽനിന്ന് രാവിലെ ഒൻപതിന് ടൂര് വാഹനമായ ബിഎംടിസിയുടെ എ.സി. ബസ് പുറപ്പെടും. തുടർന്ന് നെലമംഗല ആഞ്ജനേയസ്വാമി ക്ഷേത്രം, ശ്രീ ഘടി സുബ്രഹ്മണ്യസ്വാമി ക്ഷേത്രം, ജ്ഞാനതീർഥലിംഗ (മുദ്ദേനഹള്ളി), ശ്രീ ദക്ഷിണകാശി പഞ്ചനന്ദിക്ഷേത്ര പാപാഗ്നി മഠം (സ്കന്ദഗിരി), കല്യാണി (കരഞ്ചി), വഴി ഇഷാ ഫൗണ്ടേഷനിലെത്തും. വൈകീട്ട് എഴിന് കെംപെഗൗഡ ബസ് സ്റ്റേഷനിൽ തിരിച്ചെത്തും. ടോൾ ചാർജുകളും ജിഎസ്ടിയും ഉൾപ്പെടെ സീറ്റൊന്നിന് ആകെ നിരക്ക് 600 രൂപയാണ്.
SUMMARY: BMTC started Pilgrimage Tour Package to Isha Foundation
WhatsApp
Telegram
