ബെംഗളൂരു: ബെംഗളൂരുവില്‍ മൂന്ന് ദിവസം നീണ്ടുനിന്ന ബുക്ക് ബ്രഹ്‌മ ദക്ഷിണേന്ത്യന്‍ സാഹിത്യോത്സവം സമാപിച്ചു. കോറമംഗല സെന്റ്‌ ജോൺസ് ഓഡിറ്റോറിയത്തില്‍ നടന്ന സമാപന ചടങ്ങിൽ ബുക്ക് ബ്രഹ്‌മ സാഹിത്യ പുരസ്കാരം എഴുത്തുകാരി കെ. ആർ.മീരയ്ക്ക് കന്നഡ എഴുത്തുകാരൻ ചന്ദ്രശേഖര കമ്പാർ സമ്മാനിച്ചു. പ്രശസ്ത ഇന്ത്യൻ എഴുത്തുകാർ പങ്കെടുത്ത സാഹിത്യോത്സവത്തില്‍ കന്നഡ, തഴിഴ്, തെലുഗു, മലയാള സാഹിത്യവുമായി ബന്ധപ്പെട്ട് നിരവധി സംവാദങ്ങളും ചർച്ചകളും നടന്നു.
ഇന്നലെ മലയാള വിഭാഗത്തില്‍ നടന്ന കഥയുടെ ജീവിതം എന്ന ചർച്ചയിൽ യു കെ കുമാരൻ, സന്തോഷ് ഏച്ചിക്കാനം, ബ്രിജി എന്നിവരും വിമർശനത്തിലെ പുതുവഴികൾ എന്ന വിഷയത്തിൽ ഇ.പി.രാജഗോപാലൻ, രാഹുൽ രാധാകൃഷ്ണൻ, ദേവേശൻ പോരൂർ എന്നിവരും പങ്കെടുത്തു. ബാംഗ്ലൂർ ക്ലബ്ബ് ഫോർ കഥകളി ആൻഡ് ആർട്സ് അവതരിപ്പിച്ച ദുര്യോധനവധം കഥകളിയും അരങ്ങേറി.
SUMMARY: Book Brahma Literary Festival concludes
WhatsApp
Telegram
