ബെംഗളൂരു: വൈറ്റ്ഫീൽഡ്, കെആർ പുരം, ഹോസ്കോട്ടെ, ഈസ്റ്റ്‌ ബെംഗളൂരുവിലെ മറ്റ് പ്രദേശങ്ങൾ എന്നിവിടങ്ങളിൽ നിന്നുള്ള വാഹന യാത്രക്കാർക്ക് കെംപെഗൗഡ അന്താരാഷ്ട്ര വിമാനത്താവളത്തിലേക്ക് (കെഐഎ) പോകുന്നതിനുള്ള 20 കിലോമീറ്റർ ബദൽ ടോൾ റോഡ് ഈ വർഷം ജൂലൈയോടെ തുറക്കും. റോഡ് ബെംഗളൂരു-കോലാർ ഹൈവേയിലെ ബുഡിഗെരെ ക്രോസുമായി വിമാനത്താവളത്തെ ബന്ധിപ്പിക്കുകയും മണ്ടൂർ, ബുഡിഗെരെ, സിംഗഹള്ളി, മൈലനഹള്ളി എന്നിവയിലൂടെ കടന്നുപോകുകയും ചെയ്യും. റോഡിന്റെ ചില ഭാഗങ്ങളിൽ നാല് വരിയും ബാക്കിയുള്ളവ ആറ് വരിയുമാണ്.
ഈസ്റ്റ്‌ ബെംഗളൂരുവിലുള്ളവർക്ക് ഹെന്നൂർ ക്രോസ്-ബാഗലുർ, നാഗവാര വഴി കെഐഎയിലേക്ക് ബദൽ പാതകളുണ്ടെങ്കിലും, തിരക്കേറിയ ഔട്ടർ റിംഗ് റോഡിന്റെ 10-12 കിലോമീറ്റർ ദൂരം സഞ്ചരിക്കേണ്ടത് ബുദ്ധിമുട്ടായി മാറിയിട്ടുണ്ട്. എന്നാൽ പുതിയ ടോൾ റോഡ് ദേശീയ പാതയായ ഓൾഡ് മദ്രാസ് റോഡ് വഴി വിമാനത്താവളത്തിലേക്കുള്ള റോഡിലേക്ക് പ്രവേശനം അനുവദിക്കും. റോഡ് പണികൾ ഈ വർഷം ജൂൺ മാസത്തോടെ പൂർത്തിയാകുമെന്ന് കർണാടക റോഡ് ഡെവലപ്‌മെന്റ് കോർപ്പറേഷൻ ലിമിറ്റഡ് (കെആർഡിസിഎൽ) മാനേജിംഗ് ഡയറക്ടർ ലിംഗമൂർത്തി പറഞ്ഞു.
TAGS: BENGALURU | TOLL ROAD
SUMMARY: Budigere Cross-KIA tollroad may be ready by July
WhatsApp
Telegram
