ബെംഗളൂരു: റോഡരികിൽ പാർക്ക് ചെയ്ത കാറിന് തീപിടിച്ചു. ഹാസൻ ബേലൂർ കഡെഗാർജെ ഗ്രാമത്തിൽ വെള്ളിയാഴ്ച പുലർച്ചെയാണ് അപകടമുണ്ടായത്. ബെംഗളൂരു സ്വദേശികളായ ഡോ. ശേഷാദ്രിയും ഭാര്യയുമായിരുന്നു കാറിലുണ്ടായത്.
ഇരുവരും ചിക്കമഗളൂരുവിൽ നിന്ന് കുക്കെ സുബ്രഹ്മണ്യയിലേക്ക് പോകുമ്പോഴായിരുന്നു അപകടം. കാർ റോഡരികിൽ നിർത്തി സാധനം വാങ്ങാൻ ഇവർ പുറത്തിറങ്ങുകയായിരുന്നു. ഇതിനിടെയാണ് വാഹനത്തിന് തീപിടിച്ചത്. അപകടത്തെ തുടർന്ന് കാർ പൂർണ്ണമായും കത്തിനശിച്ചു. വൈദ്യുത ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് പോലീസ് പറഞ്ഞു. പോലീസും ഫയർഫോഴ്സും സ്ഥലത്തെത്തിയാണ് തീയണച്ചത്. സംഭവത്തിൽ ഹാസൻ പോലീസ് കേസെടുത്തു.
TAGS: KARNATAKA | FIRE
SUMMARY: Parked car suddenly catches fire, couple escapes unhurt
