ന്യൂഡൽഹി: മുഖ്യമന്ത്രി പിണറായി വിജയനും കേന്ദ്ര ധനമന്ത്രി നിര്മലാ സീതാരാമനുമായുള്ള കൂടിക്കാഴ്ച നടത്തി. പ്രഭാത ഭക്ഷണത്തിന് ശേഷമാണ് ധനമന്ത്രി കേരളാഹൗസില് നിന്ന് മടങ്ങിയത്. കൂടിക്കാഴ്ച 50 മിനിറ്റോളം നീണ്ടു. രാവിലെ 9 മണിയോടു കൂടിയായിരുന്നു കൂടിക്കാഴ്ച്ച തുടങ്ങിയത്. ഗവര്ണര് രാജേന്ദ്ര ആര്ലേക്കര്, കേരളത്തിന്റെ പ്രത്യേക പ്രതിനിധി പ്രൊഫ. കെ വി തോമസ് എന്നിവരും കൂടിക്കാഴ്ചയില് പങ്കെടുത്തു.
വയനാട് പുനരധിവാസത്തിനുള്ള വായ്പാ വിനിയോഗ തുകയുടെ കാലാവധി നീട്ടണം, വിഴിഞ്ഞം തുറമുഖത്തിന് കൂടുതല് വികസന സഹായം നല്കണം, കടമെടുപ്പ് പരിധി മൂന്നര ശതമാനമായി ഉയര്ത്തണം തുടങ്ങിയ ആവശ്യങ്ങള് കേരളം ഉന്നയിച്ചിട്ടുണ്ട്. എയിംസ്, ജിഎസ്ടി നഷ്ടപരിഹാരം തുടങ്ങിയ വിഷയങ്ങളും കൂടിക്കാഴ്ചയില് ചർച്ചയായി.
വിഴിഞ്ഞം പദ്ധതിക്കുള്ള കേന്ദ്ര സഹായം, ജിഎസ്ടി പ്രശ്നങ്ങള് തുടങ്ങിയ വിഷയങ്ങളും ചര്ച്ചയായി. കേരളത്തിന്റെ വികസനകാര്യങ്ങളില് അനുകൂല സമീപനം വേണമെന്ന് മുഖ്യമന്ത്രി പിണറായി വിജയന് ആവശ്യപ്പെട്ടു. കേരളത്തിന്റെ ആവശ്യങ്ങളില് തുടര് ചര്ച്ചകള് ആകാമെന്ന് കേന്ദ്രധനമന്ത്രി പ്രതികരിച്ചു.
TAGS : LATEST NEWS
SUMMARY : Chief Minister meets Union Finance Minister Nirmala Sitharaman
WhatsApp
Telegram
