ബെംഗളൂരു: കർണാടകയിലെ ബിദറിൽ വാഹനാപകടത്തിൽ ദമ്പതികൾക്ക് ദാരുണാന്ത്യം. ബസവകല്യാണിലെ ഖാദിജന്ദ കോളനിയിൽ താമസിക്കുന്ന സയ്യദ് ദസ്തഗിർ (35), ഭാര്യ യാസ്മിൻ ദസ്തഗിർ (33) എന്നിവരാണ് മരിച്ചത്.
ബസവകല്യാൺ ബസ് സ്റ്റാൻഡിന് സമീപമുള്ള മുച്ചലമ്പ് ക്രോസിന് സമീപത്താണ് അപകടമുണ്ടായത്.
അമിതവേഗത്തിൽ വന്ന ടിപ്പർ ലോറി ബൈക്കിൽ ഇടിക്കുകയായിരുന്നു. റോഡിലേക്ക് തെറിച്ചുവീണ ഇരുവരും സംഭവസ്ഥലത്തുവെച്ചുതന്നെ മരിച്ചു. മൃതദേഹങ്ങൾ നടപടിക്രമങ്ങൾക്കായി ബസവകല്യാൺ താലൂക്ക് ആശുപത്രിയിലേക്ക് മാറ്റി. ബസവകല്യാൺ ട്രാഫിക് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
SUMMARY: Couple dies after tipper lorry hits bike
