ബെംഗളൂരു : സംസ്ഥാനമൊട്ടാകെ ബുധനാഴ്ച നടന്ന എസ്എസ്എൽസി വാർഷിക പരീക്ഷ – 1 ന്റെ ആദ്യ ദിനത്തിൽ 98.53% പേർ പരീക്ഷയെഴുതി. ഒന്നാം ഭാഷയായ കന്നഡ, തെലുങ്ക്, ഹിന്ദി, മറാത്തി, തമിഴ്, ഉറുദു, ഇംഗ്ലീഷ്, സംസ്കൃതം പരീക്ഷയാണ് ഇന്ന് നടന്നത്. 12,175 വിദ്യാർത്ഥികൾ ഹാജരായില്ല. ഉഡുപ്പി ജില്ലയിലാണ് ഏറ്റവും ഉയർന്ന ഹാജർ നില. 99.62%. ഏറ്റവും കുറവ് ബിദർ ജില്ലയിൽ (96.39%) രേഖപ്പെടുത്തി.
സംസ്ഥാനത്തുടനീളമുള്ള ഒരു കേന്ദ്രങ്ങളിൽ നിന്നും ഒരു ക്രമക്കേടും റിപ്പോർട്ട് ചെയ്യപ്പെട്ടിട്ടില്ലെന്നും, അനിഷ്ട സംഭവങ്ങളൊന്നുമില്ലാതെ പരീക്ഷകൾ നടത്തിയെന്നും കർണാടക സ്കൂൾ പരീക്ഷാ അസസ്‌മെന്റ് ബോർഡ് (കെഎസ്ഇഎബി) അറിയിച്ചു.
വിദ്യാഭ്യാസ മന്ത്രി മധു ബംഗാരപ്പ ബെംഗളൂരുവിലെ മല്ലേശ്വരത്തുള്ള കർണാടക പബ്ലിക് സ്കൂൾ (കെപിഎസ്) പരീക്ഷാ കേന്ദ്രം സന്ദർശിച്ച് വിദ്യാർത്ഥികൾക്ക് ആശംസകൾ നേർന്നു.
SUMMARY: SSLC exams begin in Karnataka; 98.53% candidates appeared for the exam on the first day
