ബെംഗളൂരു: കേരള മുൻ മുഖ്യമന്ത്രിയും സിപിഐഎം പോളിറ്റ് ബ്യൂറോ അംഗവുമായ പിണറായി വിജയന്റെ വീട്ടിൽ നടന്ന ഇ ഡി റെയ്ഡിനെതിരെ സിപിഐഎം ബെംഗളൂരു ഈസ്റ്റ് സോണൽ കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. കെ ആർ പുരം ബിബിഎംപി ഓഫീസിനു മുമ്പിൽ നടന്ന പ്രതിഷേധ യോഗം സിപിഐഎം കർണാടക സ്റ്റേറ്റ് കമ്മിറ്റി അംഗം ഗൗരമ്മ ഉദ്ഘാടനം ചെയ്തു.ജില്ലാ കമ്മിറ്റി അംഗങ്ങളായ ന ഞ്ചേ ഗൗഡ, ഗോപാല ഗൗഡ, മുനിരാജു, സി രമേശ് എന്നിവർ സംസാരിച്ചു. സി കുഞ്ഞപ്പൻ, എ ഗോപിനാഥ്, ശരണപ്പ എന്നിവർ നേതൃത്വം നൽകി.
ഇ ഡി റെയ്ഡിനെതിരെ സിപിഐ എം ബെംഗളൂരു സൗത്ത്, നോർത്ത് ജില്ലാ കമ്മിറ്റികൾ സംഘടിപ്പിക്കുന്ന പ്രതിഷേധ കൂട്ടായ്മ ഫ്രീഡം പാർക്കിൽ ഇന്ന് രാവിലെ 10.30 മുതല് നടക്കും. ‘രാഷ്ട്രീയ വേട്ടയാടൽ അവസാനിപ്പിക്കുക’, ‘വിയോജിക്കാനുള്ള അവകാശത്തെ ഇല്ലാതാക്കാൻ അനുവദിക്കില്ല’ എന്നീ മുദ്രാവാക്യങ്ങൾ ഉയർത്തിയാണ് പ്രതിഷേധം സംഘടിപ്പിക്കുന്നത്. പ്രതിഷേധത്തില് പങ്കാളികളാകാനും വൻ വിജയമാക്കാനും എല്ലാ ജനാധിപത്യ വിശ്വാസികളും ഫ്രീഡം പാർക്കിലേക്ക് എത്തിച്ചേരണമെന്ന് സിപിഐ എം ആഹ്വാനം ചെയ്തു.
SUMMARY: CPI(M) protests in Bengaluru against ED raids
