തിരുവനന്തപുരം: ദീപാവലി അവധിയോടനുബന്ധിച്ചുള്ള യാത്രാതിരക്ക് പരിഗണിച്ച് ബെംഗളൂരു-കൊല്ലം പാതയിൽ പ്രത്യേക ട്രെയിൻ സർവീസ് പ്രഖ്യാപിച്ച് ദക്ഷിണ റെയിൽവെ. ഒക്ടോബർ 13 തിങ്കളാഴ്ച രാവിലെ എട്ടുമണി മുതൽ ട്രെയിൻ ടിക്കറ്റ് റിസർവേഷൻ ലഭിച്ചുതുടങ്ങും.
◼️ എസ്എംവിടി ബെംഗളൂരു കൊല്ലം എക്സ്പ്രസ് സ്പെഷ്യല്‍ (06561): ഒക്ടോബർ 16ന് ബെംഗളൂരു എസ്എംവിടി സ്റ്റേഷനിൽ നിന്നും വൈകീട്ട് മൂന്നു മണിക്ക് പുറപ്പെടുന്ന ട്രെയിന്‍ അടുത്ത ദിവസം രാവിലെ 06:20 ന് കൊല്ലത്ത് എത്തിച്ചേരും. കര്‍ണാടകയില്‍ കൃഷ്ണരാജപുരം (03.13), ബംഗാരപേട്ട് (15.48) എന്നിവിടങ്ങില്‍ സ്റ്റോപ്പുണ്ട്.
◼️ കൊല്ലം-ബെംഗളൂരു കന്റോൺമെന്റ് എക്സ്പ്രസ് സ്പെഷ്യല്‍ (06562): ഒക്ടോബർ 17ന് കൊല്ലത്ത് നിന്നും 10:45ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 03:30ന് ബെംഗളൂരു കന്റോൺമെന്റ് സ്റ്റേഷനിലെത്തും.
◼️ എസ്എംവിടി ബെംഗളൂരു കൊല്ലം എക്സ്പ്രസ് സ്പെഷ്യല്‍ (06567): ഒക്ടോബർ 21ന് ബെംഗളൂരു എസ്എംവിടി സ്റ്റേഷനിൽ നിന്നും രാതി 11 മണിക്ക് പുറപ്പെടുന്ന ട്രെയിന്‍ അടുത്ത ദിവസം ഉച്ചയ്ക്ക് 12.55 ന് കൊല്ലത്ത് എത്തിച്ചേരും. കൃഷ്ണരാജപുരം 23.12, ബംഗാരപേട്ട് പുലര്‍ച്ചെ 12.03.
◼️ കൊല്ലം-ബെംഗളൂരു കന്റോൺമെന്റ് എക്സ്പ്രസ് സ്പെഷ്യല്‍ (06568): ഒക്ടോബർ 22ന് കൊല്ലത്ത് നിന്നും വൈകിട്ട് 5 ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 09.45 ന് ബെംഗളൂരു കന്റോൺമെന്റ് സ്റ്റേഷനിലെത്തും.
കേരളത്തിൽ പാലക്കാട്, തൃശ്ശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം എന്നിവിടങ്ങളിൽ സ്റ്റോപ്പുണ്ട്.
SUMMARY: Diwali rush. Special train on Bengaluru-Kollam route
