ക്രിസ്തുജയന്തി കോളേജിന് ഡീംഡ് യൂണിവേഴ്‌സിറ്റി പദവി

ബെംഗളൂരു: ബെംഗളൂരുവിലെ ക്രിസ്തുജയന്തി കോളേജിന് ഡീംഡ് യൂണിവേഴ്‌സിറ്റി പദവി ലഭിച്ചു. സിഎംഐ സഭയുടെ കോട്ടയം സെയ്ന്റ് ജോസഫ് പ്രൊവിൻസിന്റെ മേൽനോട്ടത്തിലുള്ള ബോധി നികേതൻ ട്രസ്റ്റിന്റെ കീഴിൽ കൊത്തന്നുർ ആസ്ഥാനമായി 25 വർഷമായി വിദ്യാഭ്യാസ സ്ഥാപനമാണ്.

യൂണിവേഴ്സിറ്റി എന്ന പുതിയ പദവിയോടെ ആഗോള വിജ്ഞാന നിർമ്മാണത്തിലേക്ക് ഉള്ള സംഭാവനകൾ കൂടുതൽ സാധ്യതയുള്ളത് ആക്കി മാറ്റുമെന്ന് പ്രിൻസിപ്പൽ ഡോ. അഗസ്റ്റിൻ ജോർജ് സിഎംഐ അഭിപ്രായപ്പെട്ടു. മാനേജ്‌മെന്റിന്റെയും അധ്യാപകരുടെയും വിദ്യാർഥികളുടെയും പൂർവ വിദ്യാർഥികളുടെയും രക്ഷിതാക്കളുടെയും അനധ്യാപകരുടെയും മറ്റ് അഭ്യുദായകാംക്ഷികളുടെയും കൂട്ടായപരിശ്രമമാണ് പുതിയനേട്ടത്തിനു പിന്നിലെന്നും അദ്ദേഹം പറഞ്ഞു.

നാഷണൽ അസ്സെസ്മെന്റ് ആൻഡ് അക്രഡിറ്റേഷൻ കൗൺസിൽ മൂന്നാമത്തെ അക്രഡിറ്റേഷൻ സൈക്കിളിൽ- CGPA of 3.78 വിത്ത് A++ ഗ്രേഡും, 2024 ലെ NIRF റാങ്കിങ്ങിൽ അറുപതാമത്തെ സ്ഥാനവും ക്രിസ്തുജയന്തി സ്വന്തമാക്കിയിട്ടുണ്ട്. ഗവൺമെന്റിന്റെ ബെസ്റ്റ് ക്ലീൻ ആൻഡ് സ്മാർട്ട് ക്യാമ്പസിനുള്ള പ്രശസ്തമായ ഗോൾഡ് റേറ്റിംഗ് ക്യാമ്പസ് സ്റ്റാറ്റസ് അവാർഡും ക്രിസ്തുജയന്തി കരസ്ഥമാക്കിയിട്ടുണ്ട്. ഇന്ത്യ ടുഡേ എം ടി ആര്‍ എ സർവ്വേയിൽ ബെസ്റ്റ് എമർജിങ് കോളേജ് ഓഫ് ദ സെഞ്ചുറിയായി ക്രിസ്തുജയന്തി തെരഞ്ഞെടുക്കപ്പെട്ടിട്ടുണ്ട്.

17 തവണ യൂണിവേഴ്സിറ്റി കൾച്ചറൽ ചാമ്പ്യൻഷിപ്പ് കരസ്ഥമാക്കിയിട്ടുള്ള ക്രിസ്തുജയന്തി പഠനത്തോടൊപ്പം കലയിലും കായികപരമായ കാര്യങ്ങളിലും മുൻ മുൻപന്തിയിൽ തന്നെ നിൽക്കുന്ന ബെംഗളൂരുവിലെ മികച്ച ഒരു കലാലയമാണ്.
SUMMARY: Kristu Jayanti College to be deemed university