ബെംഗളൂരു: ഒരു വർഷത്തിനിടെ വീണ്ടും ടിക്കറ്റ് നിരക്ക് ഉയർത്താനുള്ള നീക്കവുമായി നമ്മ മെട്രോ. വർഷാവർഷം 5% വർധിപ്പിക്കാമെന്നു നിരക്ക് നിർണയ സമിതി ശുപാർശ ചെയ്തതിന്റെ പശ്ചാത്തലത്തിലാണു നിരക്ക് വർധിപ്പിക്കുന്നത്. പുതിയ ടിക്കറ്റ് ചാർജ് 9ന് നിലവിൽ വന്നേക്കും. 1 മുതൽ 5 രൂപ വരെയാണ് ചാർജ് ഉയരുക. കുറഞ്ഞ ചാർജ് 11 രൂപയും കൂടിയ ചാർജ് 95 രൂപയുമായിരിക്കും. നിലവിൽ ഇത് യഥാക്രമം 10 രൂപയും 90 രൂപയുമാണ്.
കഴിഞ്ഞ വർഷം ചാർജ് ഒറ്റയടിക്ക് 71% വരെ ഉയർത്തിയത് യാത്രക്കാരുടെ കടുത്ത പ്രതിഷേധങ്ങൾക്ക് ഇടയാക്കിയിരുന്നു. തുടർന്ന് ചില ഫെയർ സ്റ്റേജുകളിൽ ചാർജ് കുറച്ചു. കൂടാതെ തിരക്കുള്ള നേരങ്ങളിൽ കൂടിയ നിരക്കും തിരക്കില്ലാത്തപ്പോൾ കുറഞ്ഞ നിരക്കും ഏർപ്പെടുത്തി. നിലവിൽ രാജ്യത്തെ ഏറ്റവും ഉയർന്ന ടിക്കറ്റ് നിരക്കാണ് നമ്മ മെട്രോ ഈടാക്കുന്നത്.
SUMMARY: Namma Metro ticket prices to rise again; new charges likely to come into effect on 9th
