ഇടുക്കി: പരീക്ഷാഹാളില് ഭീഷണിപ്പെടുത്തി പീഡിപ്പിച്ചെന്നാരോപിച്ച് വിദ്യാർഥിനികള് നല്കിയ കേസില് ഒരുപതിറ്റാണ്ടിന് ശേഷം അധ്യാപകൻ കുറ്റവിമുക്തൻ. മൂന്നാർ ഗവ.കോളേജിലെ ഇക്കണോമിക്സ് വിഭാഗം മേധാവിയായിരുന്ന ആനന്ദ് വിശ്വനാഥനെയാണ് തൊടുപുഴ അഡീഷണല് സെഷൻസ് കോടതി വെറുതേവിട്ടത്. രാഷ്ട്രീയ പ്രേരിതമായി കെട്ടിച്ചമച്ച കേസാണിതെന്ന് കോടതി നിരീക്ഷിച്ചു.
പോലീസിനെതിരെയും വിമർശനമുണ്ടായി. അഡിഷനല് ചീഫ് എക്സാമിനറായിരുന്ന പ്രഫ. ആനന്ദ് വിശ്വനാഥനെ കോപ്പിയടി പിടികൂടിയതിന് വിദ്യാർഥിനികള് വ്യാജ പീഡനക്കേസില് കുടുക്കിയിട്ടത് 10 വർഷം. 3 വർഷം ജയിലില് കിടന്നു. ജോലിയില് നിന്ന് സസ്പെൻഡ് ചെയ്തു. 2014 ഓഗസ്റ്റില് നടന്ന എം എ ഇക്കണോമിക്സ് രണ്ടാം സെമസ്റ്റർ പരീക്ഷക്കിടെ നടന്ന കോപ്പിയടി പിടിച്ചതിനാണ് വിദ്യാർഥികള് അധ്യാപകനെതിരെ പരാതി നല്കിയത്.
2014 ഓഗസ്റ്റ് മുതല് സെപ്റ്റംബർ 5 വരെയുള്ള കാലത്തു പീഡിപ്പിച്ചതായി ആരോപിച്ച് 5 വിദ്യാർഥിനികളാണ് പ്രഫ. ആനന്ദിനെതിരെ വിദ്യാഭ്യാസമന്ത്രിക്കും വനിത കമ്മിഷനും പരാതി നല്കിയത്. പീഡനക്കേസില് കുടുക്കി പക വീട്ടാനുള്ള ശ്രമമാണ് വിദ്യാർഥികളുടെതെന്ന് കോടതി വിമർശിച്ചു. ഇതിന് കോളേജ് പ്രിൻസിപ്പല് കൂട്ടുന്നതായും രാഷ്ട്രീയ ഗൂഢാലോചന നടന്നെന്നും കോടതി നിരീക്ഷിച്ചു.
SUMMARY: Fake sexual harassment complaint for catching plagiarism; Teacher gets justice after a decade
WhatsApp
Telegram
