ബെംഗളൂരു : കലബുറഗിയിലെ ദുബായി കോളനിയില് മോഷണക്കുറ്റമാരോപിച്ച് പ്രായപൂര്ത്തിയാകാത്ത കുട്ടിയ മർദിച്ച സംഭവത്തിൽ അഞ്ചുപേരെ പോലീസ് അറസ്റ്റുചെയ്തു. ദുബായി കോളനി സ്വദേശികളായ ശ്രീശൈൽ, ശിവകുമാർ, ജഗനാഥ്, സൈബണ്ണ, മല്ലിക്ക് എന്നിവരാണ് അറസ്റ്റിലായത്.
പ്രദേശത്തെ വീട്ടിൽ മോഷണം നടത്തിയെന്നാരോപിച്ചായിരുന്നു മർദനം. കുട്ടി സ്കൂളിലേക്കുപോയപ്പോൾ ശ്രീശൈൽ എന്നയാൾ വീട്ടിലേക്ക് കൂട്ടിക്കൊണ്ടുപോയി മോഷണക്കുറ്റമാരോപിച്ച് ഉപദ്രവിക്കുകയായിരുന്നു. ചോദ്യം ചെയ്യുന്നതിനിടെ സിഗരറ്റ് ഉപയോഗിച്ച് കൈകാലുകൾ പൊള്ളിച്ചുതായും കുട്ടിയുടെ മാതാപിതാക്കൾ ചൗക്ക് പോലീസ് സ്റ്റേഷനിൽ നൽകിയ പരാതിയിൽ പറഞ്ഞു. തുടര്ന്നു പോലീസ് നടത്തിയ അന്വേഷണത്തിനൊടുവിലാണ് അഞ്ചംഗസംഘത്തെ അറസ്റ്റ് ചെയ്തത്.
<br>
TAGS : ARRESTED | KALBURGI
SUMMARY : Five people have been arrested by the police in the incident where a 14-year-old man was beaten up on charges of theft in Kalaburagi.
WhatsApp
Telegram
