പ്രതിരോധ വാക്സിൻ എടുത്തിട്ടും പേവിഷബാധ ഉണ്ടായ അഞ്ച് വയസുകാരി മരിച്ചു

മലപ്പുറം: തെരുവുനായയുടെ കടിയേറ്റതിനെത്തുടര്‍ന്ന് പേവിഷബാധയ്‌ക്കെതിരെയുള്ള വാക്സിൻ എടുത്തിട്ടും പേവിഷബാധ ഉണ്ടായ കുട്ടി മരിച്ചു. മലപ്പുറം പെരുവള്ളൂർ സ്വദേശി ഫാരിസിന്റെ മകൾ സിയയാണ് മരിച്ചത്. കോഴിക്കോട് മെഡിക്കൽ കോളജിൽ ചികിത്സയിലിരിക്കെ ആണ് മരിച്ചത്. കുട്ടി ഗുരുതരാസ്ഥയിൽ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ഒരു മാസം മുൻപായിരുന്നു കുട്ടിക്ക് കടിയേറ്റത്.

മിഠായി വാങ്ങാൻ പുറത്തുപോയ കുട്ടിക്ക് മാർച്ച് 29നാണ് തെരുവുനായയുടെ കടിയേറ്റത്. നായ ആക്രമിക്കുകയും തലയ്ക്കും കാലിനും ഗുരുതരമായി പരുക്കേൽക്കുകയും ചെയ്‌തു. ഉടൻതന്നെ കോഴിക്കോട് മെഡിക്കൽ കോളജിൽ പ്രവേശിപ്പിച്ച കുട്ടിക്ക് പേവിഷബാധക്കെതിരെയുള്ള ഐഡിആർബി വാക്‌സിൻ നൽകിയിരുന്നു. എന്നാൽ നിർഭാഗ്യവശാൽ കുട്ടി പിന്നീട് പേവിഷബാധയുടെ ലക്ഷണങ്ങൾ കാണിക്കുകയും നില ഗുരുതരമാവുകയുമായിരുന്നു.
<br>
TAGS : RABIES VACCINE | MALAPPURAM
SUMMARY : Five-year-old girl dies after contracting rabies despite being vaccinated