കൊച്ചി: ഇന്ത്യയില് നിന്നും ഗള്ഫ് – സിംഗപ്പൂര് മേഖലകളിലേക്കുള്ള അന്താരാഷ്ട്ര യാത്രക്കാര്ക്ക് 30 കിലോ വരെ സൗജന്യ ചെക്ക് ഇന് ബാഗേജ് പരിധി ഉയർത്തി എയർ ഇന്ത്യ. 7 കിലോ സൗജന്യ ഹാന്ഡ് ബാഗിന് പുറമേയാണിത്. എല്ലാ മിഡിൽ ഈസ്റ്റ് രാജ്യങ്ങളിലേക്കും സിംഗപ്പൂരിലേക്കും ഇതേ അളവിൽ ബാഗേജ് കൊണ്ടുപോകാമെന്നും എയർ ഇന്ത്യാ എക്സ്പ്രസ് അറിയിച്ചു
ഇന്ത്യയിലെ 19 നഗരങ്ങളില് നിന്നും ഗള്ഫിലെ 13 ഇടങ്ങളിലേക്കായി ആഴ്ചതോറും 450 വിമാന സര്വീസുകളാണ് എയര് ഇന്ത്യ എക്സ്പ്രസിനുള്ളത്. ചെന്നൈ, മധുരൈ, തിരുച്ചിറപ്പള്ളി എന്നിവിടങ്ങളില് നിന്നും സിംഗപ്പൂരിലേക്ക് ആഴ്ച തോറും 26 വിമാന സര്വീസുകളുമുണ്ട്. ചെക്ക് – ഇന് ബാഗേജ് ഇല്ലാതെ യാത്ര ചെയ്യുന്നവര്ക്ക് സാധാരണയിലും കുറഞ്ഞ നിരക്കില് മൂന്ന് കിലോ അധിക ക്യാബിന് ബാഗേജോടു കൂടി എക്സ്പ്രസ് ലൈറ്റ് വിഭാഗത്തില് ടിക്കറ്റുകള് ബുക്ക് ചെയ്യാം. കൂടുതല് ലഗേജുള്ള എക്സ്പ്രസ് ലൈറ്റ് യാത്രക്കാര്ക്ക് ആഭ്യന്തര വിമാനങ്ങളില് 15 കിലോ വരെയും അന്താരാഷ്ട്ര വിമാനങ്ങളില് 20 കിലോ വരെയും കുറഞ്ഞ നിരക്കില് ചെക്ക്- ഇന് ബാഗേജ് ബുക്ക് ചെയ്യാം.
ബാഗേജില്ലാതെ യാത്ര ചെയ്യുന്നവർക്ക് എക്സ് പ്രസ് ലൈറ്റ് തിരഞ്ഞെടുക്കാം. ഈ ടിക്കറ്റെടുക്കുന്നവർക്ക് 3 കിലോ ഹാന്ഡ് ബാഗേജ് കയ്യില് കരുതാം. ലൈറ്റ് ടിക്കറ്റ് എടുത്ത ശേഷം പിന്നീട് ബാഗേജ് ചേർക്കാനുമാകും. അന്താരാഷ്ട്ര യാത്രക്കാർക്ക് കൂടുതല് പണം നല്കി 20 കിലോ വരെ അധിക ചെക്ക് ഇന് ബാഗേജെടുക്കാനുളള സൗകര്യവുമുണ്ട്.
എക്സ് പ്രസ് ബിസ് ടിക്കറ്റില് 40 കിലോ ചെക്ക് ഇന് ബാഗേജ് കൊണ്ടുപോകാനാകും. കൂടുതല് സൗകര്യപ്രദമാകുന്ന രീതിയിലാണ് എക്സ് പ്രസ് ബിസ് ടിക്കറ്റില് ഇരിപ്പിടമൊരുക്കിയിട്ടുളളത്. റീക്ലൈനർ സീറ്റ്, ചെക്ക് ഇന് ബാഗേജില് മുന്ഗണന, ഭക്ഷണം എന്നിവയും ലഭിക്കും. കൈക്കുഞ്ഞുങ്ങളുമായി യാത്ര ചെയ്യുന്നവർക്ക് 10 കിലോ സൗജന്യ ബാഗേജ് സൗകര്യവുമുണ്ട്. കുഞ്ഞിനും മുതിർന്നയാൾക്കും കൂടി ഹാൻഡ് ബാഗേജ് ഉൾപ്പെടെ 47 കിലോ വരെ കൊണ്ടുപോകാം.
കഴിഞ്ഞ വര്ഷത്തേക്കാള് 30 ശതമാനം വര്ദ്ധനവോടെ പ്രതിദിനം 400 വിമാന സര്വ്വീസുകളാണ് എയര് ഇന്ത്യ എക്സ്പ്രസിനുള്ളത്. തായ്ലന്ഡിലെ ബാങ്കോക്ക്, ഫുക്കറ്റ് ഉള്പ്പെടെ 50ലധികം ഇടങ്ങളിലേക്കാണ് എയര് ഇന്ത്യ എക്സ്പ്രസിന്റെ വിമാന സര്വീസുകളുള്ളത്.
<BR>
TAGS : AIR INDIA | BAGGAGE RULES
SUMMARY: Free baggage limit is 30 kg; Air India Express is a relief for international travelers
തിരുവനന്തപുരം: കേരളത്തില് സ്വര്ണവിലയില് ഇന്ന് ഇടിവ്. 22 കാരറ്റ് സ്വര്ണം ഗ്രാമിന് 65 രൂപ കുറഞ്ഞ് 14025 രൂപയായി. പവന്…
ബെംഗളൂരു: രാംനഗര ബെംഗളൂരു- മൈസൂരു എക്സ്പ്രസ് പാതയിൽ വാഹനാപകടത്തിൽ രണ്ട് മലയാളി യുവാക്കൾ മരിച്ചു. കാസറഗോഡ് വെള്ളരിക്കുണ്ട് സ്വദേശി സുബിൻ…
എറണാകുളം: തൃപ്പൂണിത്തുറയിൽ വിവാഹ ദിവസം വരൻ മരിച്ചു. തൃപ്പൂണിത്തുറ ചാത്താരി വിളങ്ങാട്ടിൽ ജോണിന്റെ (സെയ്ന്റ് ആന്റണീസ് ഫോട്ടോസ്റ്റാറ്റ്, കിഴക്കേക്കോട്ട )…
തിരുവനന്തപുരം: സംസ്ഥാനത്ത് ഇന്ന് മുതല് വെള്ളിയാഴ്ച വരെ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ്. നാളെ…
ബെംഗളൂരു: കനക്പുരയിൽ കാട്ടാനയുടെ ആക്രമണത്തിൽ കർഷകന് ദാരുണാന്ത്യം ഉയ്യമ്പള്ളി ഹോബ്ലി സ്വദേശി ശിവു (53) ആണ് കൊല്ലപ്പെട്ടത്. തോട്ടത്തില് ജോലികഴിഞ്ഞ് വീട്ടിലേക്ക്…
ബെംഗളൂരു: മേയ് ദിന അവധിയോടനുബന്ധിച്ചുള്ള യാത്രാ തിരക്ക് പരിഗണിച്ച് കേരളത്തിലേക്കടക്കം കൂടുതല് സ്പെഷൽ സര്വീസുകള് ഏര്പ്പെടുത്തി കർണാടക ആർടിസി. ബെംഗളൂരുവിൽ…