ബെംഗളൂരു: ബെംഗളൂരുവിലെ ഹോട്ടലുകളിൽ പ്രതിവാര പരിശോധന നടത്താൻ ഭക്ഷ്യ സുരക്ഷ വിഭാഗത്തിന് നിർദേശം നൽകി സംസ്ഥാന സർക്കാർ. നഗരത്തിലെ ഹോട്ടലുകൾ, റെസ്റ്റോറൻ്റുകൾ, ഫാസ്റ്റ്ഫുഡ് ജോയിൻ്റുകൾ , ബാറുകൾ എന്നിവിടങ്ങളിൽ ഭക്ഷ്യസുരക്ഷയെക്കുറിച്ചുള്ള ആശങ്കകൾ ഉയരുന്ന സാഹചര്യത്തിലാണ് നടപടി. ഭക്ഷണത്തിന്റെ ഗുണനിലവാരം പരിശോധിക്കാനുള്ള നടപടികൾ സ്വീകരിക്കണമെന്ന് സർക്കാർ വകുപ്പ് ഉദ്യോഗസ്ഥരോട് നിർദേശിച്ചു.
ഗുണനിലവാരം, കാലഹരണപ്പെട്ട ഭക്ഷ്യവസ്തുക്കളുടെ ഉപയോഗം, ശുചിത്വം പാലിക്കാത്തത്, മായം കലർത്തിയ ഭക്ഷണസാധനങ്ങളുടെ വിതരണം എന്നിവ പരിശോധിക്കാനാണ് നിർദേശം. രാമേശ്വരം കഫേ പോലുള്ള പ്രശസ്തമായ ഔട്ട്‌ലെറ്റുകൾ ഉൾപ്പെടെയുള്ള ഹോട്ടലുകൾ, റെസ്റ്റോറൻ്റുകൾ എന്നിവിടങ്ങളിൽ ഭക്ഷണത്തിൻ്റെ ഗുണനിലവാരം ആശങ്കാജനകമാണ്. വൃത്തിഹീനമായ ഭക്ഷണത്തെക്കുറിച്ചുള്ള നിരവധി വീഡിയോകൾ അടുത്തിടെ സമൂഹമാധ്യമങ്ങളിൽ പ്രചരിച്ചിരുന്നു.
ഗുണനിലവാരമില്ലാത്ത ഭക്ഷണം തയ്യാറാക്കുന്ന എല്ലാ ഔട്ട്‌ലെറ്റുകളും അടച്ചുപൂട്ടാൻ തീരുമാനിച്ചതായി സർക്കാർ വ്യക്തമാക്കി. എല്ലാത്തരം ഭക്ഷണശാലകളിലും മിന്നൽ പരിശോധന നടത്താനും സർക്കാർ ഉത്തരവിട്ടിട്ടുണ്ട്.
TAGS: BENGALURU UPDATES| HOTELS
SUMMARY: State government directs officials for weekly inspection at hotels
WhatsApp
Telegram
