ബെംഗളൂരു: നന്ദിനിയുടെ നെയ്യ്, വെണ്ണ, പനീർ തുടങ്ങിയ ശീതികരിച്ച പാല്‍ ഉൽപ്പന്നങ്ങളുടെ വില സെപ്തംബര്‍ 22 മുതല്‍ കുറയുമെന്ന് കര്‍ണാടക മില്‍ക്ക് ഫെഡറേഷന്‍(കെ.എം.എല്‍). കേന്ദ്രസർക്കാർ ചരക്ക് സേവന നികുതി (ജിഎസ്ടി) കുറച്ചതോടെയാണ് വില കുറക്കുന്നത്. ഒരു ലിറ്റർ നന്ദിനി നെയ്യിന്റെ വില 650 രൂപയിൽ നിന്ന് 610 രൂപയായി കുറയും. 500 ഗ്രാം വെണ്ണയുടെ വില 305 രൂപയിൽ നിന്ന് 286 രൂപയായും ഒരു കിലോ പനീറിന്റെ വില 425 രൂപയിൽ നിന്ന് 408 രൂപയായും കുറയും.
പാക്കേജുചെയ്ത കുടിവെള്ളത്തിന്റെ വിലയും ഒരു ലിറ്ററിന് 20 രൂപയിൽ നിന്ന് 18 രൂപയായി കുറയും. ഐസ്ക്രീമുകൾ, കുക്കികൾ, കേക്കുകൾ, മഫിനുകൾ എന്നിവയുൾപ്പെടെ നിരവധി ഉൽപ്പന്നങ്ങളുടെ വിലയും കുറയും
നെയ്യ്, വെണ്ണ, ചീസ്, ക്രഞ്ചി സ്നാക്സ് എന്നിവയുടെ ജിഎസ്ടി 12 ശതമാനത്തിൽ നിന്ന് 5 ശതമാനമായി കുറച്ചതായി കെഎംഎഫിന്റെ പത്രക്കുറിപ്പിൽ പറയുന്നു. കുക്കികൾ, ചോക്ലേറ്റുകൾ, ഐസ്ക്രീമുകൾ, ഇൻസ്റ്റന്റ് മിക്സുകൾ, പാക്കേജുചെയ്ത കുടിവെള്ളം എന്നിവയുടെ ജിഎസ്ടി 18 ശതമാനത്തിൽ നിന്ന് 5 ശതമാനമായി കുറച്ചു. പനീർ, അൾട്രാ ഹൈ ടെമ്പറേച്ചർ (UHT) പാൽ ഉൽപന്നങ്ങൾക്ക് മുമ്പ് ചുമത്തിയിരുന്ന 5 ശതമാനം ജിഎസ്ടിയും ഒഴിവാക്കിയതായി പത്രക്കുറിപ്പിൽ പറയുന്നു.
SUMMARY: GST reform; Prices of frozen milk products like Nandini Ghee, Butter, Paneer to come down from tomorrow
WhatsApp
Telegram
