ബെംഗളൂരു: മൈസൂരു നഗരവികസന അതോറിറ്റി (മുഡ) ഭൂമി തട്ടിപ്പ് കേസുമായി ബന്ധപ്പെട്ട് മുഖ്യമന്ത്രി സിദ്ധരാമയ്യയുടെ ഭാര്യ പാർവതി, നഗരവികസന വകുപ്പ് മന്ത്രി ബൈരതി സുരേഷ് എന്നിവർക്ക് എൻഫോഴ്സ്മെന്റ് ഡയറക്ടറേറ്റ് (ഇഡി) പുറപ്പെടുവിച്ച സമൻസ് കർണാടക ഹൈക്കോടതി റദ്ദാക്കി. ഹൈക്കോടതി ജസ്റ്റിസ് എം. നാഗപ്രസന്നയുടേതാണ് ഉത്തരവ്.
മുഡ കേസുമായി ബന്ധപ്പെട്ട് ഇഡി സമൻസ് റദ്ദാക്കണമെന്ന് ആവശ്യവുമായി പാർവതിയും മന്ത്രി ബൈരതി സുരേഷും ഹൈക്കോടതിയെ സമീപിച്ചിരുന്നു. ഇതേ കേസിൽ ലോകായുക്ത അന്വേഷണം നടത്തുന്നതിനാൽ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) അന്വേഷണം ആവശ്യമില്ലെന്ന് ഹൈക്കോടതി വ്യക്തമാക്കി. മുഡ കേസുമായി ബന്ധപ്പെട്ട് ലോകായുക്ത എസ്പി അടുത്തിടെ 8,000 പേജുള്ള ഇടക്കാല റിപ്പോർട്ട് കോടതിയിൽ സമർപ്പിച്ചിരുന്നു. റിപ്പോർട്ടിൽ സിദ്ധരാമയ്യക്കും, ഭാര്യക്കും ലോകായുക്ത ക്ലീൻ ചിറ്റ് നൽകിയിരുന്നു. മുഖ്യമന്ത്രി വഴിവിട്ട് സഹായം ചെയ്തതിന് തെളിവില്ല. സിദ്ധരാമയ്യ ഫയല് നീക്കത്തില് ഇടപെട്ടിട്ടില്ലെന്നും റിപ്പോര്ട്ടില് പറഞ്ഞിരുന്നു.
TAGS: MUDA SCAM
SUMMARY: Karnataka HC quashes ED summons to Siddaramaiah’s wife, Minister Byrathi Suresh in muda scam
WhatsApp
Telegram
