ബെംഗളൂരു: നൃത്ത വിദ്യാലയമായ നാട്യാഞ്ജലി സ്കൂൾ ഓഫ് പെർഫോമിംഗ് ആര്‍ട്സിന്റെ പത്താം വാർഷികാഘോഷവും ഗജ്ജെ പൂജയും മല്ലേശ്വരം ചൗഡയ്യ മെമ്മോറിയൽ ഹാളിൽ തിങ്കളാഴ്ച ഉച്ചയ്ക്ക് 2.30 മുതൽ നടക്കും. പ്രശസ്ത നടിയും നര്‍ത്തകിയുമായ വിനയ പ്രസാദ് മുഖ്യാതിഥിയാകും.
നാട്ടുവാങ്കം കലാകാരനും നൃത്ത അധ്യാപകനുമായ ഡോ. വസന്ത കിരണിനെ ചടങ്ങിൽ ആദരിക്കും. തുടര്‍ന്ന് നാട്യാഞ്ജലിയിലെ വിദ്യാര്‍ഥികള്‍ അവതരിപ്പിക്കുന്ന ഭരതനാട്യം, മോഹിനിയാട്ടം, കുച്ചുപ്പുടി, പാശ്ചാത്യ നൃത്തം, ബോളിവുഡ് ഡാൻസ്, സംഗീതാർച്ചന എന്നിവ അരങ്ങേറും.
SUMMARY: Natyanjali School of Performing Arts celebrates its 10th anniversary on Monday
