ബെംഗളൂരു: ബെംഗളൂരുവിൽ അതിശക്തമായ കാറ്റും മഴയും. വെള്ളിയാഴ്ച വൈകീട്ടോടെയാണ് നഗരത്തിൽ കനത്ത മഴ പെയ്തത്. രാത്രി പത്ത് വരെ മഴ തുടർന്നു. വൈകിട്ട് പെയ്ത മഴയിൽ റിച്ച്മണ്ട് ടൗൺ, ശാന്തിനഗർ, മജസ്റ്റിക്, കെആർ മാർക്കറ്റ്, രാജാജിനഗർ, പരിസര പ്രദേശങ്ങൾ എന്നിവയുൾപ്പെടെ നിരവധി പ്രദേശങ്ങളിൽ വ്യാപകമായ വെള്ളക്കെട്ട് അനുഭവപ്പെട്ടു. കൂടാതെ, കമ്മനഹള്ളി മെയിൻ റോഡ്, മാരിയപ്പ റോഡ്, എച്ച്ആർബിആർ ലേഔട്ട്, കല്യാൺ നഗർ, ബനസ്വാഡി പ്രദേശങ്ങളെയും വെള്ളക്കെട്ട് ബാധിച്ചു.
Roads turn into rivers every time when it rains for more than 10 minutes. #Bengaluru #bengalururains pic.twitter.com/hCBnlFoLZ6
— ನಿನಾದ | निनाद | Ninaada (@ninaada) May 1, 2025
കാൽനടയാത്രക്കാരെയും ഇരുചക്രവാനങ്ങളിൽ യാത്ര ചെയ്തവരെയുമാണ് മഴ കൂടുതൽ മോശമായി ബാധിച്ചത്. ഹെബ്ബാൾ, സഞ്ജയ്‌നഗർ, വസന്ത്‌നഗർ, ശിവാജിനഗർ, കോറമംഗല, ശാന്തിനഗർ തുടങ്ങിയ ഭാഗങ്ങളിൽ ശക്തമായി മഴലഭിച്ചു. റോഡുകളിൽ മരങ്ങൾ കടപുഴകി വീണ് വാഹനങ്ങൾക്ക് കേടുപാടുകൾ സംഭവിച്ചു. വൈദ്യുതിബന്ധവും തടസ്സപ്പെട്ടു. ബനശങ്കരി സെക്കൻഡ് സ്റ്റേജിൽ കൂറ്റൻ മരംവീണ് വീടിന്റെ ചുറ്റുമതിൽ തകർന്നു. സമാനമായി ഹെബ്ബാളിൽ വീടിന്റെ മേൽക്കൂരയ്ക്ക് മുകളിലേക്ക് മരം പൊട്ടിവീണു. പലയിടങ്ങളിലും അടിപ്പാതകളിൽ വെള്ളം കയറിയതോടെ ഗതാഗതക്കുരുക്ക് അതിരൂക്ഷമായി.
The view of the metro in Bengaluru is absolutely mesmerizing as it’s pouring heavily at Nagasandra and Chikkabidarakallu. The rain cascades down in sheets, creating a misty atmosphere around the metro tracks, while the rhythmic sound of raindrops blends with the occasional roar… pic.twitter.com/C8OG5G8PHc
— Karnataka Portfolio (@karnatakaportf) May 2, 2025
ഹംപി നഗർ, ആർആർ നഗർ, നയന്ദഹള്ളി, വിദ്യാ പീഠം, കെംഗേരി, ഹെറോഹള്ളി, ഹൊറമാവ്, പുലകേശിനഗർ, ഹെമ്മിഗെപുര തുടങ്ങിയ പ്രദേശങ്ങളിലെല്ലാം 25 മില്ലിമീറ്ററിൽ കൂടുതൽ മഴ രേഖപ്പെടുത്തിയിട്ടുണ്ട്. കഴിഞ്ഞ 24 മണിക്കൂറിൽ ബെംഗളൂരു അര്‍ബനിൽ കൂടിയ താപനില 33.5 ഡിഗ്രി സെൽഷ്യസും കുറഞ്ഞ താപനില 21.6 ഡിഗ്രി സെൽഷ്യസും അനുഭവപ്പെട്ടു. 6.6 മില്ലീമീറ്റർ മഴയാണ് രേഖപ്പെടുത്തിയത്.
TAGS: BENGALURU | RAIN | TRAFFIC
SUMMARY: Heavy rain Lashes in Bengaluru leading to traffic hurdle
WhatsApp
Telegram
