ബെംഗളൂരു: കര്‍ണാടക മുഖ്യമന്ത്രിയായി സിദ്ധരാമയ്യ തന്റെ അഞ്ച് വര്‍ഷത്തെ കാലാവധി പൂര്‍ത്തിയാക്കുമെന്ന് ആഭ്യന്തര മന്ത്രി ജി. പരമേശ്വര. നേതൃമാറ്റത്തിനുള്ള സാധ്യതയെക്കുറിച്ചുള്ള അഭ്യൂഹങ്ങള്‍ അദ്ദേഹം തള്ളിക്കളഞ്ഞു.
അഞ്ച് വര്‍ഷം താന്‍ ആ സ്ഥാനത്ത് തുടരുമെന്ന് മുഖ്യമന്ത്രി തന്നെ പറഞ്ഞിട്ടുണ്ട്. താന്‍ അഞ്ച് വര്‍ഷം തുടരുമെന്ന് സിദ്ധരാമയ്യ വ്യക്തമാക്കിയിട്ടുണ്ട്. വിഷയം അതോടെ അവസാനിച്ചുവെന്നും പരമേശ്വര ബെംഗളൂരുവില്‍ മാധ്യമപ്രവര്‍ത്തകരോട് പറഞ്ഞു.
ഭരണകക്ഷിയായ കോണ്‍ഗ്രസിനുള്ളിലെ ആഭ്യന്തര കലഹങ്ങളെക്കുറിച്ചുള്ള സൂചനകളും അദ്ദേഹം തള്ളിക്കളഞ്ഞു. പാര്‍ട്ടിക്കുള്ളില്‍ നേതൃമാറ്റത്തെ സംബന്ധിച്ച് ഒരു ആശയ കുഴപ്പവുമില്ലെന്നും അദ്ദേഹം പറഞ്ഞു. 2023 മെയ് മാസത്തിലെ നിയമസഭാ തിരഞ്ഞെടുപ്പിന് ശേഷം സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും തമ്മിലുള്ള അധികാര പങ്കിടല്‍ ഫോര്‍മുലയെക്കുറിച്ചുള്ള റിപ്പോര്‍ട്ടുകളാണ് നേതൃമാറ്റത്തെക്കുറിച്ചുള്ള അഭ്യൂഹങ്ങള്‍ക്ക് കാരണം.
നവംബറോടെ ശിവകുമാര്‍ മുഖ്യമന്ത്രിയാകുമെന്ന് മുന്‍ മാണ്ഡ്യ എംപി എല്‍.ആര്‍. ശിവരാമ ഗൗഡ കഴിഞ്ഞ ദിവസം പറഞ്ഞിരുന്നു. എന്നാല്‍, മുഴുവന്‍ കാലാവധിയും താന്‍ വഹിക്കുമെന്ന് സിദ്ധരാമയ്യ ഇതിന് മറുപടിയായി വ്യക്തമ്ാക്കിയിരുന്നു. ഇപ്പോള്‍ ആഭ്യന്തര മന്ത്രിയും സിദ്ധരാമയ്യക്ക് അനുകൂലമായി പ്രതികരിച്ചിരിക്കുകയാണ്.
SUMMARY: Home Minister G. Parameshwara says Siddaramaiah will complete his term as Chief Minister.
WhatsApp
Telegram
