റിയാദ്: സൗദി അറേബ്യയിലെ റിയാദില് ഒരു ഇന്ത്യൻ പൗരൻ ആക്രമണത്തില് കൊല്ലപ്പെട്ടു. ബുധനാഴ്ച നടന്ന സംഭവത്തിലാണിതെന്ന് ഇന്ത്യൻ എംബസി അറിയിച്ചു. റിയാദിലാണ് ഇന്ത്യന് പൗരന് കൊല്ലപ്പെട്ടത്. മാര്ച്ച് 18ലെ പോരാട്ടത്തിനിടയിലായിരുന്നു ദാരുണമായ സംഭവം. റിയാദില് കൊല്ലപ്പെട്ടയാളുടെ കുടുംബാംഗങ്ങളെ അനുശോചനം അറിയിക്കുകയാണെന്നും അവരുടെ ദുഃഖത്തില് പങ്കുചേരുകയും ചെയ്യുകയാണെന്നു ഇന്ത്യന് എംബസി അധികൃതര് അറിയിച്ചു.
കുടുംബാംഗങ്ങള്ക്ക് വേണ്ട എല്ലാ സഹായവും ചെയ്ത് നല്കുമെന്നും എംബസി വ്യക്തമാക്കി. എന്നാല്, മരിച്ചയാളെ സംബന്ധിക്കുന്ന കൂടുതല് വിവരങ്ങള് എംബസി പുറത്ത് വിട്ടിട്ടില്ല. മേഖലയിലെ കപ്പലുകളുടെ വരവ് സസൂക്ഷ്മം നിരീക്ഷിക്കുകയാണെന്നും കേന്ദ്രസര്ക്കാര് വ്യക്തമാക്കി. ഇതുവരെ മേഖലയിലുള്ള ഇന്ത്യന് കപ്പലുകളെല്ലാം സുരക്ഷിതമാണെന്നും കേന്ദ്രസര്ക്കാര് വൃത്തങ്ങള് അറിയിച്ചു.
അതേസമയം, ഇന്ന് ഇസ്രായേല് ആക്രമണത്തില് ഐ.ആര്.ജി.സി വക്താവ് കൊല്ലപ്പെട്ടു. ഇസ്ലാമിക് റവല്യൂഷണറി ഗാര്ഡ് കോര്പ്സിന്റെ ബ്രിഗേഡിയര് ജനറല് അലി മുഹമ്മദ് നൈനിയാണ് കൊല്ലപ്പെട്ടത്. ഇറാന് മാധ്യമങ്ങള് തന്നെയാണ് കൊലപാതക വിവരം സ്ഥിരീകരിച്ച് രംഗത്തെത്തിയത്. ഫെബ്രുവരി 28ലെ ഖമനയിയുടെ വധത്തിന് വധത്തിന് ശേഷം ഇറാന്റെ നിരവധി കമാന്ഡര്മാരെ ഇസ്രായേല് വധിച്ചിരുന്നു.
SUMMARY: Indian killed in attack in Saudi Arabia, says embassy
WhatsApp
Telegram
