ബെംഗളൂരു: ബിജെപി നൽകിയ അപകീർത്തികേസിൽ മുഖ്യമന്ത്രി സിദ്ധരാമയ്യയ്ക്കു എതിരായ വിചാരണ നടപടികൾ കർണാടക ഹൈക്കോടതി സ്റ്റേ ചെയ്തു. കേസിന്റെ നിയമസാധുത ചോദ്യം ചെയ്ത് സിദ്ധരാമയ്യ നൽകിയ ഹർജി പരിഗണിച്ചാണ് നടപടി.
കഴിഞ്ഞ നിയമസഭാ തിരഞ്ഞെടുപ്പിനു മുന്നോടിയായി അധികാരത്തിലിരുന്ന ബിജെപി സർക്കാരിനെതിരെ അഴിമതി ആരോപണങ്ങൾ ഉന്നയിച്ചു കൊണ്ട് കോൺഗ്രസ് നൽകിയ പത്രപരസ്യങ്ങളെ ചോദ്യം ചെയ്താണ് ബിജെപി പരാതി നൽകിയത്. കരാറുകാരിൽ നിന്നു 40 ശതമാനം കമ്മിഷൻ വാങ്ങിയെന്നത് ഉൾപ്പെടെ ആരോപണങ്ങൾ പരസ്യത്തിൽ ഉന്നയിച്ചിരുന്നു. എന്നാൽ യാതൊരു തെളിവുകളുമില്ലാതെയുള്ള ആരോപണം അപകീർത്തിപ്പെടുത്തുന്നതാണെന്ന് ആരോപിച്ചാണ് ബിജെപി എംഎൽസി കേശവ് പ്രസാദ് പരാതിയുമായി രംഗത്തെത്തിയത്.
കേസിൽ ലോക്സഭയിലെ പ്രതിപക്ഷ നേതാവ് രാഹുൽ ഗാന്ധിക്കെതിരായ നടപടികൾ ജനുവരിയിലും ഉപമുഖ്യമന്ത്രി ഡി.കെ. ശിവകുമാറിനെതിരായ നടപടികൾ കഴിഞ്ഞ ആഴ്ചയും ഹൈക്കോടതി സ്റ്റേ ചെയ്തിരുന്നു.
SUMMARY: Karnataka HC stays trial proceedings against CM Siddaramaiah in defamation case.
WhatsApp
Telegram
