ബെംഗളൂരു: വിദേശനാണ്യ വിനിമയ ചട്ടം ലംഘിച്ചതിന് ഗ്രീന്പീസ് ഇന്ത്യക്കെതിരെ ഇഡി രജിസ്റ്റര് ചെയ്ത കേസ് റദ്ദാക്കി കര്ണാടക ഹൈക്കോടതി. കേസില് ഇഡി നല്കിയ കാരണം കാണിക്കല് നോട്ടീസും കര്ണാടക ഹൈക്കോടതി റദ്ദാക്കി. ഗ്രീന്പീസ് ഇന്ത്യ നല്കിയ ഹര്ജിയിലാണ് ജസ്റ്റിസ് സുരാജ് ഗോവിന്ദരാജ് അധ്യക്ഷനായ സിംഗിള് ബെഞ്ചിന്റെ നടപടി.
കുറ്റകൃത്യം ബോധ്യപ്പെടുത്തുന്നതില് എന്ഫോഴ്സ്മെന്റ് ഡയറക്ടറേറ്റ് പരാജയപ്പെട്ടുവെന്ന് നിരീക്ഷിച്ചാണ് ഹൈക്കോടതിയുടെ വിധി. ഇഡി നടപടി സ്വീകരിച്ച ഫെമ നിയമത്തിലെ വകുപ്പ് 2015ല് റദ്ദാക്കിയെന്നും ശേഷം കുറ്റകൃത്യം രജിസ്റ്റര് ചെയ്യാനാവില്ലെന്നും സിംഗിള് ബെഞ്ച് വ്യക്തമാക്കി.
ഡയറക്ട് ഡയലോഗ് എന്ന കമ്പനിയെ മുന്നിര്ത്തി വിദേശ ഫണ്ട് സ്വീകരിച്ചുവെന്നാണ് ഗ്രീന്പീസ് ഇന്ത്യയ്ക്കെതിരെ ഇഡി രജിസ്റ്റര് ചെയ്ത കേസ്. ഇത് വിദേശനാണ്യ വിനിമയ നിയമത്തിന്റെ ലംഘനമാണ് എന്നായിരുന്നു ഇഡിയുടെ ആക്ഷേപം. 2015 വരെയുള്ള കാലയളവില് മുപ്പത് കോടിയോളം രൂപ നിയമ വിരുദ്ധമായി സ്വീകരിച്ചുവെന്നുമായിരുന്നു ഇഡിയുടെ വാദം. ഇതിന്റെ അടിസ്ഥാനത്തില് ഗ്രീന്പീസ് ഇന്ത്യയുടെ ലൈസന്സ് കേന്ദ്ര സര്ക്കാര് റദ്ദാക്കി. ഇതിന് പിന്നാലെ ഡയറക്ട് ഡയലോഗ് പ്രൈവറ്റ് ലിമിറ്റഡിന്റെ പേരില് വിദേശ ഫണ്ട് സ്വീകരിച്ചുവെന്നായിരുന്നു ഇഡിയുടെ ആരോപണം.
SUMMARY: Karnataka High Court quashes case registered against Greenpeace India for violating foreign exchange rules
WhatsApp
Telegram
