കേരളത്തിൽ ഇന്നും അതിശക്തമായ മഴയ്ക്ക് സാധ്യത. പത്തനംതിട്ട, കോട്ടയം, ഇടുക്കി ജില്ലകളിലാണ് റെഡ് അലർട്ട്. തിരുവനന്തപുരം മുതല് തൃശൂർ വരെയുള്ള മറ്റ് ജില്ലകളില് ഓറഞ്ച് അലർട്ടും നല്കിയിട്ടുണ്ട്.
വരും മണിക്കൂറില് കേരളത്തിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഒറ്റപ്പെട്ടയിടങ്ങളില് മിതമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ശക്തമായ കാറ്റും മോശം കാലാവസ്ഥയും കണക്കിലെടുത്ത് കടലില് പോകരുതെന്ന് മുന്നറിയിപ്പുണ്ട്.
ഉരുള്പൊട്ടല്, മണ്ണിടിച്ചില് സാധ്യത കണക്കിലെടുത്ത് മലയോരമേഖലകളില് അതീവ ജാഗ്രത വേണം. തെക്ക് പടിഞ്ഞാറൻ ബംഗാള് ഉള്ക്കടലില് നാളെയോടെ ന്യുനമർദ്ദം രൂപപ്പെടാൻ സാധ്യതയൂണ്ടെന്നും കേന്ദ്ര കാലാവസ്ഥാ വകുപ്പിന്റെ അറിയിപ്പില് പറയുന്നു. അതിതീവ്ര മഴ അപകടങ്ങള് സൃഷ്ടിച്ചേക്കുമെന്നും പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പാലിക്കണമെന്നും സംസ്ഥാന ദുരന്ത നിവാരണ അതോറിറ്റി അറിയിച്ചു.
WhatsApp
Telegram
