സ്വർണവിലയിൽ വർധനവ്

തിരുവനന്തപുരം: തുടർച്ചയായ ഇടിവിന് വിരാമമിട്ടുകൊണ്ട് സംസ്ഥാനത്ത് സ്വർണവില ഇന്ന് കുത്തനെ വർധിച്ചു. ഇന്ന് ഒറ്റയടിക്ക് പവന് 560 രൂപയാണ് വർധിച്ചത്. ഇതോടെ ഒരു പവൻ (8 ഗ്രാം) സ്വർണത്തിൻ്റെ വില 89,160 രൂപയിലെത്തി. ഗ്രാമിന് 70 രൂപ കൂടി 11,145 രൂപയായി ഉയർന്നു. ഇന്നലെ രാവിലെയും ഉച്ചയ്ക്കുമായി 1800 രൂപ കുറഞ്ഞതിന് പിന്നാലെയാണ് ഇന്ന് സ്വർണവിലയില്‍ ഈ വർധനവ് രേഖപ്പെടുത്തിയത്.

രാജ്യാന്തര വിപണിയിലെ വിലക്കയറ്റമാണ് സ്വർണവില വർധിക്കാൻ കാരണം. കേരളത്തില്‍ സ്വർണത്തിന് ഒരാഴ്ചയ്ക്കിടെ ഏകദേശം 7000 രൂപയോളം കുറഞ്ഞിരുന്നു. ഈ മാസം സ്വർണവിലയില്‍ ഏറ്റവും കുറവ് രേഖപ്പെടുത്തിയത് ഒക്ടോബർ 3-നായിരുന്നു, അന്ന് 86,560 രൂപയായിരുന്നു വില. എന്നാല്‍ ഒക്ടോബർ 21-ന് 97,360 രൂപയിലെത്തി ഈ മാസത്തെ ഏറ്റവും ഉയർന്ന നിരക്ക് രേഖപ്പെടുത്തിയ ശേഷം വില കുറഞ്ഞും കൂടിയും ഇരിക്കുകയായിരുന്നു.

SUMMARY: Gold rate is increased