തിരുവനന്തപുരം: കെപിസിസിയില്‍ പുതിയ കോർ കമ്മിറ്റി. ദീപാദാസ് മുൻഷി കണ്‍വീനർ. 17 അംഗ സമിതിയില്‍ എ.കെ ആൻ്റണിയും. തിരഞ്ഞെടുപ്പ് ഒരുക്കം, പ്രചാരണം, സ്ഥാനാർഥി നിർണയം അടക്കമുള്ള കാര്യങ്ങളില്‍ കൂടിയാലോചനകള്‍ ഈ കമ്മിറ്റി നടത്തും.
സണ്ണി ജോസഫ്, വി.ഡി സതീശൻ, എ.കെ ആന്റണി, കെ.സി വേണുഗോപാല്‍, രമേശ് ചെന്നിത്തല, ശശി തരൂർ, കെ.സുധാകരൻ, കൊടിക്കുന്നില്‍ സുരേഷ്, അടൂർ പ്രകാശ്, കെ.മുരളീധരൻ, വി.എം സുധീരൻ, എം.എം ഹസ്സൻ, മുല്ലപ്പള്ളി രാമചന്ദ്രൻ, എ.പി അനില്‍കുമാർ, പി.സി വിഷ്ണുനാഥ്, ഷാഫി പറമ്ബില്‍, ഷാനിമോള്‍ ഉസ്മാൻ തുടങ്ങിയവരാണ് കോർ കമ്മിറ്റിയിലെ അംഗങ്ങള്‍.
തദ്ദേശ തെരഞ്ഞെടുപ്പിന് മുന്നോടിയായിട്ടുള്ള പ്രചാരണ പരിപാടികളെ ഏകോപിപ്പിക്കുകയെന്നതാണ് പ്രധാനമായും പുതിയ കോർ കമ്മിറ്റിയുടെ ലക്ഷ്യം. ഏറെ നാളുകള്‍ക്ക് ശേഷം എകെ ആന്റണി കോണ്‍ഗ്രസിന്‍റെ സുപ്രധാനമായ കമ്മിറ്റിയിലേക്ക് തിരിച്ചെത്തിയെന്ന പ്രത്യേകതയും പുതിയ പ്രഖ്യാപനത്തിലുണ്ട്.
SUMMARY: KPCC has a 17-member core committee; Deepadas Munshi is the convener
