ബെംഗളൂരു: നഗരത്തിൽ നിന്ന് സമീപജില്ലയായ കോലാറിലെ ക്ഷേത്രങ്ങളിലേക്ക് പുതിയ വാരാന്ത്യ ടൂർ പാക്കേജുമായി കർണാടക ആർടിസി. എല്ലാ ആഴ്ചകളിലും ശനി, ഞായർ ദിവസങ്ങളിലാണ് യാത്ര സംഘടിപ്പിച്ചിട്ടുള്ളത്. നാളെയാണ് ആദ്യ സർവീസ്. കർണാടക ആർടിസിയുടെ അശ്വമേധ ക്ലാസിക് ബസുകളാണ് പാക്കേജിന്റെ ഭാഗമായി സർവീസ് നടത്തുക. രാവിലെ 6.30 ന് ആരംഭിക്കുന്ന യാത്ര രാത്രി 8.30ന് അവസാനിക്കും.
ബെംഗളൂരുവിൽ നിന്നു കോലാറിലെ ചിക്ക തിരുപ്പതി ക്ഷേത്രം, കോടിലിംഗേശ്വര ക്ഷേത്രം, ബങ്കാരു തിരുപ്പതി ക്ഷേത്രം, ആവണി സീതാക്ഷേത്രം, കുരുടുമല ഗണേശ ക്ഷേത്രം എന്നിവയാണ് പാക്കേജിൽ ഉൾപ്പെടുന്നത്. മുതിർന്നവർക്ക് 600 രൂപയും കുട്ടികൾക്ക് 450 രൂപയുമാണ് ടിക്കറ്റ് നിരക്ക്. കൂടുതൽ വിവരങ്ങൾക്ക് 080-26252625.
SUMMARY: Karnataka RTC launches weekend pilgrimage package tour from Bengaluru.
