കോഴിക്കോട് ഇടിമിന്നലേറ്റ് അപകടം, ആറ് സ്ത്രീകള്‍ ആശുപത്രിയില്‍

കോഴിക്കോട്: പേരാമ്പ്ര കായണ്ണയില്‍ തൊഴിലാളികള്‍ക്ക് ഇടിമിന്നലേറ്റു. തൊഴിലുറപ്പ് തൊഴിലാളികള്‍ക്കാണ് ഇടിമിന്നലേറ്റത്. ആറ് പേര്‍ക്കാണ് ഇടിമിന്നലേറ്റത്. ഇവരെ നിസാര പരുക്കുകളോടെ ആശുപത്രിയില്‍ പ്രവേശിപ്പിച്ചു. കായണ്ണ 12ാം വാര്‍ഡിലെ നമ്പ്രത്തുമ്മലില്‍ ആറുമണിയോടെയാണ് അപകടമുണ്ടായത്. തൊഴിലുറപ്പിന്റെ ഭാഗമായി തോട്ടത്തില്‍ പണിയെടുക്കുന്നതിനിടെയാണ് തൊഴിലാളികള്‍ക്ക് മിന്നലേറ്റത്.

നിലവില്‍ വിവിധ ആശുപത്രികളില്‍ ചികിത്സയിലാണിവര്‍. ബോധരഹിതരായി വീണവരെ നാട്ടുകാരാണ് ഉടന്‍ വിവിധ ആശുപത്രികളിലെത്തിച്ചത്. കനത്ത മഴയില്ലെങ്കിലും അതിശക്തമായ ഇടിമിന്നലാണ് പ്രദേശത്ത് ഉണ്ടായത്. സംസ്ഥാനത്ത് മഴയ്‌ക്കൊപ്പം തന്നെ അതിശക്തമായ മിന്നലുണ്ടാകുമെന്നും ജനങ്ങള്‍ ജാഗ്രത പാലിക്കണമെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്‍കിയിരുന്നു.
<BR>
TAGS : LIGHTNING | KOZHIKODE NEWS
SUMMARY : Lightning accident in Kozhikode, six women in hospital