ബെംഗളൂരു: കാറിനുള്ളിൽ കിടന്നുറങ്ങിയ യുവാവിനെ മരിച്ച നിലയിൽ കണ്ടെത്തി. കടൂർ സ്വദേശി ഗുരുരാജ് (32) ആണ് മരിച്ചത്. വെള്ളിയാഴ്ച വൈകിട്ട് മണിപ്പാലിലെ കെഎംസി ആശുപത്രിയിൽ പിതാവിനെ കിടത്തിച്ചികിത്സയ്ക്കായി പ്രവേശിപ്പിച്ച കാറിൽ കിടന്നുറങ്ങുകയായിരുന്നു. ശനിയാഴ്ച രാവിലെ ഗുരുരാജിനെ കാറിൽ മരിച്ച നിലയിൽ കണ്ടെത്തുകയായിരുന്നു.
അച്ഛനെ ആശുപത്രിയിൽ പ്രവേശിപ്പിക്കാൻ ജ്യേഷ്ഠൻ്റെ സുഹൃത്തിനൊപ്പം എത്തിയതായിരുന്നു ഗുരുരാജ്. അച്ഛൻ്റെ കൂടെ ആശുപത്രിയിൽ കഴിയാൻ സംവിധാനവുമില്ലാതിരുന്നതിനാലാണ് ഗുരുരാജ് കാറിൽ തന്നെ കിടന്നുറങ്ങാൻ തീരുമാനിച്ചത്. കാറിൻ്റെ എസി ഓണാക്കിയാണ് ഉറങ്ങിയത്. ശ്വാസം മുട്ടി മരിച്ചതാകാമെന്നാണ് പോലീസിന്റെ പ്രാഥമിക നിഗമനം. മരണകാരണം പോസ്റ്റ്‌മോർട്ടത്തിന് ശേഷമേ വ്യക്തമാകൂ. മണിപ്പാൽ പോലീസ് സംഭവത്തിൽ കേസെടുത്തു.
TAGS: KARNATAKA | CAR | DEATH
SUMMARY: Man admits father to hospital and sleeps in car, found dead in the morning
WhatsApp
Telegram
