തൃശൂർ: 2024 ലെ സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിച്ചു. മന്ത്രി സജി ചെറിയാനാണ് അവാർഡുകള് പ്രഖ്യാപിച്ചത്. ഇത്തവണ ഏറ്റവും കൂടുതല് അവാർഡുകള് സ്വന്തമാക്കിയിരിക്കുന്നത് മഞ്ഞുമ്മല് ബോയ്സ് എന്ന ചിത്രമാണ്. ചിദംബരം സംവിധാനം ചെയ്ത ചിത്രം പത്ത് പുരസ്കാരങ്ങളാണ് സ്വന്തമാക്കിയിരിക്കുന്നത്.
മികച്ച ചിത്രം, മികച്ച സംവിധായകൻ – ചിദംബരം , മികച്ച സ്വഭാവനടൻ- സൗബിൻ ഷാഹിർ, മികച്ച ഛായാഗ്രാഹകൻ- ഷൈജു ഖാലിദ്, മികച്ച ഗാനരചയിതാവ്- വേടൻ. മികച്ച കലാസംവിധായകൻ- അജയൻ ചാലിശ്ശേരി. മികച്ച ശബ്ദമിശ്രണം- ഫസല് എ ബക്കർ, ഷിജിൻ മെല്വിൻ ഹട്ടൻ. മികച്ച ശബ്ദരൂപകല്പന- ഫസല് എ ബക്കർ, ഷിജിൻ മെല്വിൻ ഹട്ടൻ, മികച്ച പ്രോസസിങ് ലാബ്- ശ്രീക് വാര്യർ പോയറ്റിക് ഓഫ് ഹോം സിനിമ തുടങ്ങീ വിഭാഗങ്ങളിലാണ് പുരസ്കാരങ്ങള്.
2024 ല് പുറത്തിറങ്ങിയ സർവൈവല് ത്രില്ലർ ചിത്രമായിരുന്നു മഞ്ഞുമ്മല് ബോയ്സ്. ജാൻ എ മൻ എന്ന ചിത്രത്തിന് ശേഷം ചിദംബരം ഒരുക്കിയ ചിത്രം മലയാളത്തിലെ ആദ്യ 200 കോടി കളക്ഷൻ നേടിയ ചിത്രം കൂടിയായിരുന്നു. മികച്ച നടനുള്ള പുരസ്കാരം ഭ്രമയുഗം എന്ന ചിത്രത്തിലൂടെ മമ്മൂട്ടി സ്വന്തമാക്കി. ഫെമിനിച്ചി ഫാത്തിമ എന്ന ചിത്രത്തിലെ പ്രകടനത്തിന് ഷംല ഹംസയാണ് മികച്ച നടിക്കുള്ള പുരസ്കാരം സ്വന്തമാക്കിയിരിക്കുന്നത്.
SUMMARY: ‘Manjummal Boys’ wins state film awards
WhatsApp
Telegram
