ബെംഗളൂരു: കേരളസമാജം ബെംഗളൂരു നോർത്ത് വെസ്റ്റ്‌ എം.എസ്. രാമയ്യ ആശുപത്രിയുടെ സൗജന്യ മെഡിക്കൽ ക്യാമ്പ് സംഘടിപ്പിച്ചു. പഞ്ചായത്ത് പ്രസിഡണ്ട് ലളിത ക്യാമ്പ് ഉദ്ഘാടനം ചെയ്തു. എംഎസ്ആര്‍ മാനേജര്‍ ഡോ.ലക്ഷ്മി നാരായണന്‍ ക്യാമ്പ് നിയന്ത്രിച്ചു. പൊതുരോഗങ്ങൾ, കാൻസർ, ത്വഗ് രോഗങ്ങൾ, അസ്ഥിരോഗം, നേത്രരോഗം, ഇഎൻടി, ഹൃദ്രോഗം, ശിശുരോഗം തുടങ്ങിയവയിൽ വിദഗ്‌ധരായ ഡോക്ടർമാർ രോഗികളെ പരിശോധിച്ച് മരുന്നുകൾ സൗജന്യമായി നൽകി. രക്തസമ്മർദ പരിശോധനക്കും പ്രമേഹ നിർണയത്തിനും പ്രത്യേകം വിഭാഗം പ്രവർത്തിച്ചു.
പ്രസിഡണ്ട് ആർ.മുരളീധർ, ജോയന്റ് സെക്രട്ടറിമാരായ സി പി മുരളി, വിശ്വനാഥൻ പിള്ള, ട്രഷറർ ബിജു ജേക്കബ്, വൈദ്യസഹായ നിധി ചെയർമാൻ രവികുമാര്‍, കൺവീനർ ആദന്‍സ്, ഗോപകുമാര്‍, കെ. പി അശോകന്‍, ആര്‍ ബാലന്‍, രാകേഷ്, സമാജം മാനേജര്‍ സുധാകരന്‍, അശോക് എം, വിശ്വംഭരന്‍ ശശി കെ, അനില്‍ കുമാര്‍, സമന്വയ അംഗങ്ങള്‍ എന്നിവർ നേതൃത്വം നൽകി.
SUMMARY: Medical camp organized
WhatsApp
Telegram
