ബെംഗളൂരു: മലബാര്‍ മുസ്ലിം അസോസിയേഷന് കീഴില്‍ നീലസാന്ദ്രയില്‍ പുതിയ ശാഖാ നിലവില്‍ വന്നു. കമ്മിറ്റി പ്രസിഡണ്ടായി വൈക്കിംഗ് കെ.പി.മൂസ ഹാജിയെയും ജനറല്‍ സെക്രട്ടറിയായി അശ്‌റഫ് സാഗറിനേയും ട്രഷററായി വി.കെ.മുസ്തഫയെയും യോഗത്തില്‍ തിരഞ്ഞെടുത്തു. മുനീര്‍ ആബൂസ്, നൗഷാദ് ടി.ടി.കെ, ഹസ്ബുല്ലാ, സിറാജ് വന്നാര്‍ പേട്ട്, ഹാരിസ് ആര്‍.കെ, സിയാദ് തുടങ്ങിയവര്‍ വൈസ് പ്രസിഡണ്ടുമാരും സിറാജ് കെ, അശ്കര്‍, കബീര്‍, റിയാസ്, നബില്‍, ബഷീര്‍ തുടങ്ങിയവര്‍ സെക്രട്ടറിമാരുമായ 15 അംഗ എക്‌സിക്യൂട്ടീവ് കമ്മിറ്റിയും 21 അംഗ പ്രവര്‍ത്തക സമിതി അംഗങ്ങളുമടങ്ങുന്നതാണ് കമ്മിറ്റി.
എം എം എ പ്രവര്‍ത്തക സമിതി അംഗങ്ങളായ ഈസ ടി.ടി.കെ, അബ്ദുല്ല ആയാസ് കോര്‍ഡിനേറ്റര്‍മാരുമാണ്. നീലസാന്ദ്ര എസ്.ആര്‍. കെ. ഹാളില്‍ നടന്ന ഇഫ്ത്വാര്‍ മീറ്റില്‍ വെച്ച് ബി.ഡി.എ ചെയര്‍മാന്‍ എന്‍.എ. ഹാരിസ് എം.എല്‍.എയാണ് കമ്മിറ്റിയുടെ പ്രഖ്യാപനം നടത്തിയത്. എം.എം.എ പ്രസിഡണ്ട് ഡോ. എന്‍. എ. മുഹമ്മദ് യോഗം ഉദ്ഘാടനം ചെയ്തു. ജനറല്‍ സെക്രട്ടറി ടി.സി. സിറാജ് അധ്യക്ഷത വഹിച്ചു. അഡ്വ. പി ഉസ്മാന്‍, പി.എം. അബ്ദുല്‍ ലത്തീഫ് ഹാജി, മുഹമ്മദ് തന്‍വീര്‍, ടി.പി. മുനീറുദ്ധീന്‍, ശംസുദ്ധീന്‍ കൂടാളി തുടങ്ങിയവര്‍ പങ്കെടുത്തു.
<br>
TAGS : MALABAR MUSLIM ASSOCIATION
WhatsApp
Telegram
